Resumen

KARURI-SEBINA, Geci  y  BECKLEY, Frederick. Ntlafatso metseng ea Afrika Boroa: seriti sa litoropo se hloka tsosoloso. Town reg. plan. (Online) [online]. 2023, vol.82, pp.4-17. ISSN 2415-0495.  http://dx.doi.org/10.18820/trp.v82i.7119.

Ka kakaretso, ntlafatso ea litoropo Afrika Boroa e tsitsisitse le ho hlahisa bocha mekhoa le liphetho tse senang tekatekano, tse qhelelang batho ba bangata ka thoko, haholo-holo Sechaba se futsanehileng sa batho ba bats'o. Sengoliloeng sena se etsa hlahlobo-bocha ea mekhoa ea ntlafatso ea litoropo le tikoloho ea Afrika Boroa. Sena se etsoa ho lekola se bakang ntlafatso e hlokang tekatekano. Mohopolo le moralo oa 'seriti' oa Atuahene o sebelisitsoe bakeng sa patlisiso ena. Moralo oa hae o tiisa kopano ea ho amohuoa thepa ka mokhoa o hlophisehileng, le ho nyenyefatsoa ha maAforika Boroa a futsanehileng ao e seng Makhooa. Sena o se sebelisa e le bopaki ba maikutlo a hore sebopeho sa litoropo ka mor'a puso ea khethollo ea Afrika Boroa ke 'se nkang seriti' sa baahi ('dignity takings' DT) 'me naha e hloka 'puseletso ea seriti' ('dignity restoration' DR). Sengoliloeng sena se hlahloba ts'ebetso le melemo ea moralo ona oa DT/DR ho ntsetseng pele meralo le bokamoso ba Afrika Boroa tse nang le toka, li bile li kenyeletsa bohle. Sena e se etsa ka ho sebelisa moralo ona ho lekola phetoho ea litoropo tsa Afrika Boroa ka mor'a puso ea khethollo, se tsepamisitse maikutlo holim'a ketsahalo ea 'gentrification' le litla-morao tsa eona litoropong tse 'ne tse khethiloeng. Litla-morao tseo baahi ba litotopo tsena ba tobaneng le tsona li sebelisoa e le mehlala e senolang lithloko tsa bona tse bonahalang le tse ipatileng, tse bakoang ke nts'etsopele e hlokang toka. Li boetse tse sebelisoa ho senola hore mefuta ena ea bohloki ka bobeli e hloka ho lokisoa. Sengoliloeng sena se fana ka maikutlo a hore ntlafatso ea 'gentrification' e ka talingoa e le 'ho nka seriti', kaha e amoha baahi maikutlo a bona a sebaka, borui, le phihlello ea bophelo bo betere. Kahona, sengoliloeng se sisinya hore bo ketsa-molao ba sebelise moralo oa DR/ DT ele lense ea nts'etsopele ea litoropo eo ka eona ho ka utloisisoang liteko tse sa atleheng tsa ho amohela, ho fallisa, kapa ho lefa baahi ba tlositsoeng mahaeng a bona. Ba sisinya hore ho fapana le ho atisa mokhoa oa puso e fetileng, DR e sebelisoe ho lokisa thlokahalo ea toka ka botlalo. DR/DT e ka kenya letsoho ho fihlelleng lipehelo tsa Moralo Kopanetsoeng oa Ntlafatso ea Litoropo Afrika Boroa, haholo tse shebaneng le ho tlisa toka, botsitso, bokhoni le le tsamaiso e ntle.

Palabras clave : Dignity takings; dignity restoration; gentrification; spatial transformation; inclusive urbanism; right to the city; shared value; South Africa.

        · resumen en Inglés | Africano     · texto en Inglés     · Inglés ( pdf )