Resumen

KARURI-SEBINA, Geci  y  BECKLEY, Frederick. Gentrifikasie in Suid-Afrika se middestede: waardigheidsneming vereis herstel. Town reg. plan. (Online) [online]. 2023, vol.82, pp.4-17. ISSN 2415-0495.  http://dx.doi.org/10.18820/trp.v82i.7119.

Stedelike ontwikkeling in Suid-Afrika het oor die algemeen ruimtelik ongelyke en uitsluitingstendense en uitkomste volgehou en weergegee, veral vir die meerderheid arm nie-Blanke bevolking. Hierdie artikel ondersoek weer die stedelike herontwikkelingsprosesse en ekosisteme van Suid-Afrika om te identifiseer hoekom dit die geval kan wees. Atuahene se 'waardigheid'-konsep en -raamwerk word vir hierdie ondersoek gebruik. Haar raamwerk stel die kombinasie van sistematiese eiendomsontneming, ontmensliking en infantilisering van arm nieBlanke Suid-Afrikaners as bewys om te teoretiseer dat die stedelike grondsituasie in post-apartheid Suid-Afrika uit 'waardigheidsneming' (DT) bestaan en 'waardigheidsherstel' (DR) vereis. Hierdie artikel ondersoek die toepaslikheid en bruikbaarheid van hierdie DT/DR-raamwerk om meer ruimtelik regverdige en inklusiewe raamwerke vir Suid-Afrika te bevorder. Die artikel doen dit deur die raamwerk toe te pas op die dinamika van stedelike sosio-ruimtelike verandering in postapartheid Suid-Afrika, met 'n fokus op die fenomeen van gentrifikasie en die uitsluitingseffekte daarvan in vier stedelike geval-vignette. Die geleefde ervarings van hierdie gevalle word gebruik om te demonstreer dat daar beide materiële en nie-materiële aspekte aan onregverdige stedelike ontwikkeling is, en dat beide tipes ontberings aandag verg. Die artikel stel voor dat gentrifikasie gesien kan word as 'waardigheidsnemings' aangesien dit inwoners ontneem van hul gevoel van plek, eienaarskap en toegang tot 'n beter lewensgehalte. Daar word dus geargumenteer dat beleidmakers die DR/DT-raamwerk kan beskou as 'n stedelike ontwikkelingslens waardeur die onsuksesvolle pogings om bloot ontneemde inwoners te aanvaar, hervestig of vergoed, deur DR voor te stel as 'n manier om die ongeregtighede van die verlede ten volle reg te stel eerder as om dit te reproduseer. Die DR/ DT-raamwerk kan bydra tot die bereiking van Suid-Afrika se Geïntegreerde Stedelike Ontwikkelingsraamwerk se transformasiedoelwit om ontwikkelings-beleide en -benaderings te hê wat na sistematiese waardigheidsherstel beweeg wat ruimtelike geregtigheid, volhoubaarheid, doeltreffendheid, veer-kragtigheid en goeie administrasie insluit.

Palabras clave : Dignity takings; dignity restoration; gentrification; spatial transformation; inclusive urbanism; right to the city; shared value; South Africa.

        · resumen en Inglés | Otros     · texto en Inglés     · Inglés ( pdf )