Resumen

MULLER-SPITZER, Carolin. Genderstereotipes in woordeboeke: Die uitdaging om die gebruiksgebaseerde leksikografie met die rol van woordeboeke as sosiale werktuie te versoen. Lexikos [online]. 2023, vol.33, n.spe, pp.79-94. ISSN 2224-0039.  http://dx.doi.org/10.5788/33-2-1843.

In baie lande van die wêreld het perspektiewe op gendergelykheid en rassisme in onlangse dekades verander.¹ Een uitvloeisel hiervan is dat meer aandag geskenk word aan spore van androsentriese en rassistiese taal in die gemeenskap. Dit beïnvloed ook woordeboeke. In die leksikografie is daar besprekings oor of en tot watter mate sosiale asimmetrieë in woordeboeke beskryf word en of dit nog aanvaarbaar is. Die kwessie rondom die aard van beskrywing speel 'n belangrike rol in hierdie bespreking. Moet die woordeboek ook seksistiese gebruike opneem indien dit dikwels in taalgebruik, bv. in die korpusdata waarop die woordeboek gebaseer is, gevind word? Hoe is dit op sy beurt weer versoenbaar met die normatiewe krag van woordeboeke? Dra woordeboeke by tot die verewiging van genderstereotipes deur hulle onder die vaandel van beskrywende beginsels op te neem? En watter rolle moet leksikograwe in hierdie proses speel? In dié artikel word op grond van individuele leksikografiese voorbeelde en huidige besprekings in die leksikografiese en openbare gemeenskap aan hierdie vraagstukke aandag geskenk.

Palabras clave : gender en taal; genderstereotipes; kollokasies; korpusgebaseerde leksikografie; woordeboeke as sosiale werktuie.

        · resumen en Inglés     · texto en Inglés     · Inglés ( pdf )