LITERA
http://dx.doi.org/10.4102/lit.v37i1.1189

 

Twee gedigte

 

 

Adri Breed

School of Languages, Afrikaans and Dutch, North-West University, South Africa

Correspondence

 

 

Skil

Om nugter te wees

is om 'n pomelo te skil

om sy wîe te skei,

om elke garing af te rafel,

elke wig so huid-uit om te dop,

dat jy elke sel sap

alleen

kan proe.

 

Die ontmanning van 'n man en van 'n vrou

Gala avec Côtelettes (1933) en Cenisitas (1927) van Salvador Dali

I.

skille

van 'n mensekop velle

van 'n pienk roosknop

hangend

soos slappe lint

haar man

word voor haar kind

II.

in dié land is vir ons bekend landskappe van pienkwit velle

        dinge wat geamputeerd hang soos

piele

hiér koester ons net doodstil wrokke in ons slape in die nag

   en in die dag is als weer wel

   asof ons dan iets goeds verwag

 

 

Correspondence:
Adri Breed
adri.breed@nwu.ac.za