Abstract

DE SCHRYVER, Gilles-Maurice. GPT emmumbe eya GenAI mw'isomo ly'okuwandiika amawanika. Lexikos [online]. 2025, vol.35, n.2, pp.397-422. ISSN 2224-0039.  https://doi.org/10.5788/35-2-2104.

Mu ibbanga nga ely'omwaka mulala n'ekitundu eliweile, abawandiisi b'amawanika baatandiika okuteebeleza nti eitutumu lye baatuukaku nga bakozesa ChatGPT-3.5 ku lulimi Olungeleza, tilisobola kwongezebwayo kukola ku nnimi dhindi ng'Olupootigo. Omwaka oguweile, abawandiisi b'amawanika bano beene b'amala b'ayolekebwa nti ChatGPT-3.5 tesobola kukozesebwa ku nnimi dhitamanhiibwa inho, nailala ng'edho edhikaasinga okuba obw'omu ndhogela ng'Olusoga. Ebyafaayo by'ensonga dhino dhombi waigulu byandhulwa mu kitundu ky'olupapula luno ekisooka. Kino n'ekitundu eky'okubili ekilaga ebibailewo okutuuka mu magatigati g'omwaka 2025, ekilaga nti enteeko ya tekinologiya akozesebwa mu ChatGPT-3.5, ayongeile okwiluulibwamu. Kino kiidhie oluvainhuma lw'okugezesebwa okulaze nti, olwaleelo luno, enkola dha Gemini-2.5 ni GPT-4o dhiyumbwilwa inho mu ngeli ye dhikola ku lulimi ng'Olupootigo okusingila ilala. Bwe kiila ku nnimi edhitali mu buwandiike ng'Olusoga, okuliikiliza GPT-4o ebiwandiiko n'ebigambo ebiva mu itu ly'Olusoga, awalala n'ebyo ebiva mu nkenga dh'Eiwanika ly'Olusoga, kusenvwilwa kinene inho kw'aba nti kusobozesa n'ennondoola y'ebigambo ebiyaaka ebyakaingila mu lulimi luno. Waile ng'enkola eyeefaanaanhiliza kw'eyo eliwo buti ku Lungeleza n'Olupootigo ekaali kutuukibwaku mu Lusoga, aye, olugendo olukiluubilila lutandiikiibwaku.

Keywords : Kalimagezi-kisibukila; Okutetenkeleza Kw'ennimi Ennhingi; Kisibukila Akaali Kukengulwa; GPT Emmumbe; Eisomo Ly'okuwandiika Amawanika; Amawanika; Abawandiisi B'amawanika; Olupootigo; Olusoga.

        · abstract in English     · text in English     · English ( pdf )