Abstract

DE SCHRYVER, Gilles-Maurice. GPT ey'omutindo eya GenAI mw'isomo ly'okuwandiika amawanika. Lexikos [online]. 2025, vol.35, n.2, pp.362-396. ISSN 2224-0039.  https://doi.org/10.5788/35-2-2103.

Okutangaazibwa ku ngeli ChatGPT-3.5 bw'ekozeseibwa mu nnimi dh'ensi yoonayoona mu kugezaaku okutuukiliza ebigendelelwa by'okuwandiika amawanika, kuweebwa mu lupapula luno. Okutangaaza kuno kutandiikila ku nkozesa eyolekebwa ku lulimi oluganzi mu nsi yoonayoona olw'Olungeleza, kw'amala kwaizibwa ku nnimi engazimuuku akatono ng'Olupootigo, kw'asembyayo enkozesa eyeeyolekela mu nnimi edhikozesebwa abantu abatono einho ng'edho edhigwa mu luse lwa Bantu. Ennimi dha Bantu edhiliku enkozesa entono einho edhigelaagelanhizibwa ku y'edho emba oba eŋŋanziku n'omuli, olulimi lw'Oluswayili, Oluxhosa n'Olusoga. Ennimi dhino dhonsatule n'edhisinziilwaku okulaga tekinologiya wa GenAI bwe yeeyolekelamu ng'akozesebwa mu milimu gy'okuwandiika amawanika. Kizuuse nti enkozesa ya tekinologiya eno nnambulukufu inho mu milimu egikola ku mawanika g'Olungeleza, aye, ya kibogwe ku nnimi eŋŋanziku akatono ng'Olupootigo. Bwe kituuka ku nnimi dh'omu luse lwa Bantu kabili enkola eno eililila inho y'aba oti kumpi tekolela ilala. Aye, wakaaliwooku eisuubi eliva mu byandhulwa mu kitundu ky'olupapula luno eky'okubili. Mu lupapula olw'okubili n'omuli ebyava mu kwongela okunoonheleza ku ngeli eyinza okukozesebwa okuziba olutanda oluli wagati w'ennimi dh'ensi yoonayoona eŋŋanzi, n'edhitali, aye nga dhoonadhoona dhiluubilila okukoseza GenAI okuwandiika amawanika.

Keywords : Kalimagezi-kisibukila; Okutetenkeleza Kw'ennimi Ennhingi; Kisibukila Akaali Kukengulwa; GPT Ey'omutindo; Eisomo Ly'okuwandiika Amawanika; Amawanika; Abawandiisi B'amawanika; Olungeleza; Olupootigo; Oluswayili; Oluxhosa; Olusoga.

        · abstract in English     · text in English     · English ( pdf )