Abstract

REES, Geraint Paul. Toeganklike woordeboekinhoud vir mense met visuele gestremdhede. Lexikos [online]. 2025, vol.35, n.2, pp.165-184. ISSN 2224-0039.  https://doi.org/10.5788/35-2-2077.

Hierdie artikel bespreek die ontwikkeling en evaluering van EDictViz: 'n visueel toeganklike woordeboekwebwerf wat bedoel is om aan die toeganklikheidsbehoeftes van mense met gesiggestremdhede te voldoen. Daar word aangevoer dat woordeboektoegang belangrik is, nie net vanweë die utilitaristiese rol wat woordeboeke speel in die oplossing van taalnavrae nie, maar ook vanweë hul potensiaal om sosiale insluiting te bevorder. Met verwysing na vorige navorsing word 'n opsomming gegee van die hindernisse tot toegang wat mense met gesiggestremdhede tipies teëkom wanneer hulle woordeboekwebwerwe gebruik. Vervolgens word die manier bespreek waarop hierdie probleme tot dusver in die ontwikkelings- en evalueringsproses van EDictViz aangepak is. 'n Evaluering van 'n ontwikkelingsweergawe van EDictViz gebaseer op die Webinhoudtoeganklikheidsriglyne word aangebied - dit dui daarop dat die nuutste prototipeweergawe van die instrument toeganklik is. Die ontwerpbesluite wat aan die begin van die projek geneem is, is derhalwe sinvol. Gedurende hierdie proses word die parallelle getrek tussen leksikografiese navorsing, wat dikwels gemoeid is met die verskaffing van doeltreffende toegang tot leksikografiese data, en toeganklikheidsnavorsing in die algemeen. Planne word uiteengesit om EDictViz te evalueer aan die hand van toekomstige eksperimentele studies wat mense met gesiggestremdhede direk betrek. Hierdie ontwikkelingsproses demonstreer die potensiaal vir wedersyds voordelige samewerking tussen toeganklikheids- en leksikografiese navorsers.

Keywords : toeganklikheid; advertensies; onderwys; taalaanleer; taalonderrig; leksikografie; leksikoverhouding; aanlyn woordeboeke; wcag; webontwikkeling.

        · abstract in English     · text in English     · English ( pdf )