Abstract

HUANG, Jin-hong  and  GAO, Yongwei. Die rol van kombinasievorms in die skep van nuwe Engelse samestellings: Datagedrewe en konstruksiebenaderings. Lexikos [online]. 2025, vol.35, pp.344-366. ISSN 2224-0039.  https://doi.org/10.5788/35-1-204.

In hierdie artikel word die rol van kombinasievorms (KV's) in die vorming van nuwe samestellings in moderne Engels verken, asook hul produktiwiteit en onderliggende meganismes. Hierdie studie pas die datagedrewe en konstruksiebenadering toe om 11 neoklassieke en inheemse KV's te ondersoek, en sowel woordeboeke as korpora word tydens die toepassing van die datagedrewe benadering gebruik. Nuwe samestellings uit die Oxford English Dictionary en drie neologismewoordeboeke word in hierdie artikel geselekteer. Die drie hoofbevindings is soos volg Eerstens kan die 11 KV's wat gebruik word om nuwe samestellings te vorm, geklassifiseer word as hoogs produktief, matig produktief of laag in produktiwiteit. Tweedens kan die konstruksiemorfologie (KxM) gebruik word om die vormingsmeganismes van nuwe samestellings te ontleed. Volgens die KxM word die KV-samestellings geabstraheer as hiërargiese skemas wat uit vorm-betekenispare bestaan. Die samestellings toon sintaktiese en semantiese beperkings op hul vorming aan. Derdens word die status van neologismes as samestellings, reduksiesamestellings of afleidings ondersoek, sowel as hul hantering in woordeboeke. Hierdie studie verskaf insigte in die deurlopende evolusie van samestelling in hedendaagse Engels en bespreek die rol van KV's in leksikale innovasie.

Keywords : kombinasievorms; nuwe engelse samestellings; datagedrewe benadering; konstruksiemorfologie; produktiwiteit; vormingsmeganisme.

        · abstract in English     · text in English     · English ( pdf )