Abstract

MALELE, Nomsebenzi  and  BOSCH, Sonja. Irhunyezorhubhululo: Ukusebenzisa Indlela Yemitjhini Nezandla Ukutsomula Itheminoloji yesiNdebele Yezamaphilo. Lexikos [online]. 2024, vol.34, pp.269-287. ISSN 2224-0039.  https://doi.org/10.5788/34-1-1926.

OPSOMMING IsiNdebele, esibuye saziwe ngokobana siNdebele seSewula, sitlhayelelwa khulu mithombo yelimi kanye netheminoloji ekhethekileko khulukhulu, lokha umuntu nakasimadanisa namanye amalimi wabeNguni, isiNdebele esiyingcenye yawo. Ngalokho irhubhululweli lihlola iindlela zokuhlangabezana nalokhu kutlhayela kwetheminoloji ekhethekileko esiNdebeleni. Lokhu kwenziwa ngokusebenzisa iindlela zokutsomula amathemu kusetjeniswa imitjhini nezandla. Umnqopho werhubhululweli usetheminolojini yezamaphilo. Kuhloswe bona imikhulumiswano ibe lula hlangana nabantu abangasi lilitho kunokobana kube nemikhulumiswano elula hlangana nabocwephetjhe bomkhakha wezamaphilo. Njengombana sekuveziwe ngehla ukobana kusetjenziswa indlela yokutsomula amathemu ngomtjhini nangezandla, kilelirhu-bhululo, umtjhini osetjenzisweko ubizwa bona yiWordSmith Tools. Lelirhubhululo litjengisa ukuqaka-theka kokusetjenziswa kwawo woke amathulusi weWordSmith Tools (WST) ngombana, womathathu aphelelisana kuhle khulu. Lokho kutjho bona amathemu angakhange alemukwe ngelinye ithulusi, ayalemukwa ngelinye. Isibonelo, njengombana iKeyWords ikghone ukulemuka amathemu ambalwa kangaka, ithulusi iConcord lona likwazile ukulemuka amathemu amanengi ngendlela erarako. Ukusetjenziswa kwe-WST kilelirhubhululo kuveza ngokusobala ukusebenza kuhle kwerhubhululo elisunduzwa yikhophasi nemalimini atlhayelelwa ziinstjenziswa njengesiNdebele. Ngalokho lokha nawutjhejisisa ukutlhayelelwa kwelimeli zizinto ezifana neenhlathululimezwi ezikhethekileko, lokhu kubuthelelwa kwamathemu wezamaphilo kuveza lawo mathemu angahle afakwe kusihlathululimezwi esivamileko.

Keywords : Isindebele; Ukutsomulwa Kwamathemu Okusu-Nduzwa Yikhophasi; Ikhophora Yezamaphilo; Ilimi Lomnqopho Okhe-Thekileko (LSP); Ilimi Lomnqopho Ovamileko (LGP); Iwordsmith Tools; Iword List; Ikeywords; Iconcordance; Ukutsomula Ngomtjhini Nangezandla.

        · abstract in English     · text in English     · English ( pdf )