Resumo

SENEKAL, Burgert. Afskrikking in die konteks van hedendaagse strategiese mededinging: Lesse uit Oekraïne. Tydskr. geesteswet. [online]. 2025, vol.65, n.4, pp.1040-1057. ISSN 2224-7912.  https://doi.org/10.17159/2224-7912/2025/v65n4a5.

Hierdie artikel ondersoek die effektiwiteit van afskrikking as 'n veiligheidstrategie in die konteks van hedendaagse strategiese mededinging, en fokus op lesse uit die 2022-Russiese inval in Oekraïne. Die artikel bespreek die historíese konteks van NAVO se uitbreiding en Rusland se toenemend aggressiewe optrede wat tot die inval gelei het. Die konsep van afskrikking word ook bespreek, asook soorte afskrikking - afskrikking deur weiering, afskrikking deur straf, en verlengde afskrikking - en deurslaggewende aspekte van afskrikking soos vermoë, wil, geloofwaardigheid, kommunikasie en opvattings. Die oorlog in Oekraïne beklemtoon die beperkings van afskrikking teen vasberade teëstanders en die belangrikheid van robuuste, aanpasbare verdedigingstrategieë vir kleiner state. Sleutellesse sluit in die noodsaaklikheid van formele verdedigingsooreenkomste vir verlengde afskrikking, die handhawing van geloofwaardige en uitgebreide militêre vermoëns en die duidelike kommunikasie van verdedigingsvermoëns. Die konflik beklemtoon ook die blywende relevansie van konvensionele magte, die behoefte aan tegnologiese vooruitgang en die belangrikheid daarvan om 'n teëstander se kostevoordeelberekening en risikotoleransie akkuraat te bepaal.

Palavras-chave : afskrikking; militêr; NAVO; Oekraïne; Rusland; strategie; veiligheid; die Weste.

        · resumo em Inglês     · texto em Africaner     · Africaner ( pdf )