Serviços Personalizados
Artigo
Indicadores
Links relacionados
- Citado por Google
- Similares em Google
Compartilhar
Tydskrif vir Geesteswetenskappe
versão On-line ISSN 2224-7912
versão impressa ISSN 0041-4751
Tydskr. geesteswet. vol.62 no.2 Pretoria Jun. 2022
http://dx.doi.org/10.17159/2224-7912/2022/v62n2a11
GEDIGTE
Geheueverlies
Ná 'n lang lewe het die jaarringe
'n onhelder wolk oor haar brein gelaat.
Toe speel sy klavier en skiellik flits
helder heuglike herinneringe.
Vlugtelinge
Ballade van die grysland. DJ Opperman
In elke land ter wêreld is 'n vlugteling;
die grysland deur oorlog is nie meer 'n woning.
Is dit die grootste volksverhuising in eie tyd?
In die vreemde is daar nooit 'n nuwe begin.
Oekraïne
Ná die verwoesting moet met rommel herbou word.
Nou pak ék die wrakstukke van my lewe op
en sit dit bymekaar in 'n poging tot vrede
maak met my foute en bou 'n sterk vredesfort.
Kragonderbrekeking
03/02/2022
In helder lig sluit die TV alle geluide uit
soos standbeelde sit ons stilswygend na die skerm en kyk.
Dan skielik donkerte en stilte met naggeluide:
nagsê van die hadida en 'n vink wat vir ons fluit.
Skryf
Vroeër kon ek boeke laat verskyn
navorsing in artikels verfyn.
Tans val skemeraand my aan en word
ek ingeperk tot die klein kwatryn.
Kwatryn
Ervaringe kan leef in rym
wanneer rymwoorde hul geheim
weggee oor vreugde en smart sodat
hulle kan klink in die kwatryn.
Hennie Pieterse
E-pos: pietehjc@absamail.co.za