Resumo

OMOLLO, Wilfred. Kananelo ea libaka tsa thloleho litoropong mererong ea ntlafatso: tlhahlobo ea sebaka Sa Toropo ea Kisii, Kenya. Town reg. plan. (Online) [online]. 2023, vol.82, pp.62-80. ISSN 2415-0495.  http://dx.doi.org/10.18820/trp.v82i.6610.

Le hoja bopaki bo lekanyang phano ea libaka tsa tlholeho tsa litoropo (UGS) bo tiisa ho theoha ha boleng ba tsona, ha ho so be le tekolo ea kananelo ea li-UGS tse kahar'a merero ea ntlafatso (PDPs). Ho tlatsa lekhalo lena, sengoloa sena se hlahloba kananelo ea UGS e kenyelelitsoeng ka hara PDPs. E boetse e batlisisa se bakang ho se ananele kenyeletso ena. Ka ho ikamahanya le khopolo-taba ea kananelo ea taolo, boithuto bo entsoe Kisii Town, Kenya, e le mohlala oa UGS ka tlasa Kisii Town Physical Development Plan (KTPDP). Thuto-patlisiso e entsoe ka sampole ea bahlahisi ba 186 ba khethiloeng ka hara kakaretso ea ba 367 ba fumanoeng ka hara UGS. Lintlha tse bonts'ang le ho hlalosa sebaka sa boithuto li ile tsa bokelloa ka ho latellana ho sebelisoa litsoantso tsa sathelaete le lethathamo la lipotso. Tlhahlobo e ne e itsetlehile ka GIS le lipalo-palo tse hlalosang liphetho. Liphetho li bonts'itse hore boleng ba lihekthere tse 75 (ha) tsa UGS bo theohile ka 52% lipakeng tsa 2005 le 2022, e leng se entseng hore motho ka mong a be le UGS e tlase ea 1.95 m2 khahlanong le 9 m2 e khothaletsoang. Liphetoho tsena li bakiloe ke ho etsa ntlafatso ntle le tumello ea semolao, 'Muso oa Setereke oa Kisii (CGOK) o fana ka litumello ho batho bao e seng bakopi, hammoho le ho amohela lintlafatso ntle le phetoho e tlamang kapa ho atolosoa ha ts'ebeliso, ho se be le tlhokomelo e lekaneng ea nts'etsopele, ho se phethahatse melaoana ea ntlafatso ea libaka, le ho hloka bonnete ba ho kenya letsoho ha litsebi tsa meralo tse ngolisitsoeng nakong ea ts'ebetso ea taolo ea nts'etsopele. Litlhahiso li etsoa bakeng sa moralo o fetotsoeng oa ntlafatso o akaretsang toropo eohle ho fana ka li-UGS tse lekaneng, ho netefatsa hore meralo ea meaho e romelloa ke litsebi tse lumelletsoeng le tlhahlobo ea khafetsa ea ho thibela nts'etsopele e sa lumelloeng. Sengoliloeng se phethela ka hore, ha ho se na taolo e sebetsang ea nts'etsopele, UGS Toropong ea Kisii e tla fokotseha le ho feta, e leng se tla etsa hore baahi ba se ke ba thabela melemo ea bona e ananeloang.

Palavras-chave : Development control; Kisii Town; Kenya; regulation compliance; physical development plan; urban green space; zoning.

        · resumo em Inglês | Africaner     · texto em Inglês     · Inglês ( pdf )