Resumen

JEEVA, Zaakirah; CILLIERS, Juanee  y  GUMBO, Trynos. 'N oorsig van sommige kriteria wat in grondafbakeningsprosesse gebruik word. Town reg. plan. (Online) [online]. 2023, vol.82, pp.52-61. ISSN 2415-0495.  http://dx.doi.org/10.18820/TRP.V82I.7116.

Nedersettings het die afgelope jare buite die stedelike groeigrense uitgebrei, as gevolg van 'n aantal faktore, insluitende mobiliteit, tegnologie en die verval van stedelike areas. Gevolglik het regerings regoor die wêreld begin om hul plaaslike administratiewe grense (munisipaliteite) te herstruktureer om meer tegemoetkomend te wees vir die onbeplande groei, maar terselfdertyd 'n duidelike beperking te stel tot die mate waarbinne die totale stedelike streek kan groei, want sonder 'n duidelike administratiewe grens word stedelike probleme soos burgerlike konflik, administratiewe duplisering, politieke korrupsie, gebrek aan dienslewering en omgewingsagteruitgang meer algemeen. Ten einde die dryfkragte agter administratiewe afbakening te verstaan, poog hierdie artikel om te verstaan hoe plaaslike administratiewe grense vanuit 'n teoretiese standpunt afgebaken kan word. Die wetgewende kriteria word verder ontleed en die teoretiese rasionaal van afbakening word gekontekstualiseer. Die artikel het bevind dat vanuit 'n teoretiese standpunt die metodes om administratiewe stedelike grense af te baken nie duidelik is nie, aangesien dit oop sisteme is wat deur 'n verskeidenheid faktore beïnvloed word. Gevolglik beklemtoon hierdie artikel die uitdagings van toepassing op die afbakening van plaaslike administratiewe grense, wat beide administratiewe en beleid-implikasies inhou. Administratief werp dit lig op kriteria wat grensafbakening kan beïnvloed en in terme van beleid demonstreer dit dat die afbakening van grense uitdagend is en verdere navorsing verg.

Palabras clave : local administration; demarcation; local boundaries; functional linkages.

        · resumen en Inglés | Otros     · texto en Inglés     · Inglés ( pdf )