Servicios Personalizados
Articulo
Indicadores
Links relacionados
- Citado por Google
- Similares en Google
Compartir
Town and Regional Planning
versión On-line ISSN 2415-0495
versión impresa ISSN 1012-280X
Resumen
DE JAGER, Anna. Stedelike druk op die rietvlei natuurreservaat in Tshwane, Suid-Afrika: 'n toepassing van die stresmodel van stedelike impak op groen ruimtes. Town reg. plan. (Online) [online]. 2023, vol.82, pp.34-51. ISSN 2415-0495. http://dx.doi.org/10.18820/trp.v82i.7117.
Ten spyte van die ekosisteem-dienste wat stedelike groen ruimtes moontlik kan bied, is daar kommer oor die volhoubaarheid daarvan. Die wisselwerking tussen ontwikkeling, bewaring en pleksin is dus vanuit 'n geografiese perspektief ondersoek. 'n Stresmodel van stedelike impak op groen ruimtes (GSMUI) is ontwikkel deur middel van 'n gevallestudie van die Rietvlei Natuurreservaat in Tshwane, Gauteng-provinsie, Suid-Afrika. 'n Gevallestudie is gebruik om die posisie van 'n stedelike groen ruimte tussen twee snelgroeiende stede te evalueer. Metodes sluit in 'n literatuurstudie, 'n ontleding van grondgebruiksveranderinge op afstandswaarneming-beelde, persoonlike onderhoude, en fokusgroep onderhoude. Bevindings van hierdie navorsing sluit in dat stedelike groei lei tot toenemende menslike behoeftes en verwagtings rakende die ekologiese dienste wat stedelike groen ruimtes bied. Stressors in die reservaat sluit in die watergehalte, die voorkoms van indringer spesies, ontwikkelingsdruk wat vererger word deur die ligging in verhouding tot ruimtelike ontwikkelingskorridors en administratiewe grense, asook onvoldoende omgewingsbewustheid. Suksesvolle plaaslike strategieë ondersteun die idee dat groen ruimtes effektief moet wees en aan die verwagtinge wat die bestaan daarvan skep, moet voldoen. Stedelike beplanningsraamwerke en die bestuur van plaaslike ruimtes wat mense ken en waarvoor hulle omgee, behoort wêreldwye omgewingskwessies in ag te neem. Die fisiese eienskappe en funksies van stedelike groen ruimtes asook die omgewingspersepsie en pleksin-evaluerings van verskillende belanghebbers is belangrik vir die volhoubaarheid van en besluitneming oor ekosisteemdienste.
Palabras clave : Conservation; development; environmental change; human-environment interaction; urban pressure; geography; water; Rietvlei Nature Reserve; Tshwane.