Abstract

DE JAGER, Anna. Khatello ea litoropo tikolohong ea polokeho ea tlholeho rietvlei Tshwane, Afrika Boroa: tsebeliso ea greenspace stress model of urban impact. Town reg. plan. (Online) [online]. 2023, vol.82, pp.34-51. ISSN 2415-0495.  http://dx.doi.org/10.18820/trp.v82i.7117.

Leha ho na le lits'ebeletso tsa tikoloho tse ka fanoang ke libaka tsa tlholeho litoropong, ho na le matsoenyeho mabapi le ho tsoarella ha tsona. Ka hona, kamano pakeng tsa nts'etsopele, paballo, le maikutlo a sebaka e ile ea hlahlojoa ho latela sebaka. Mohlala oa Greenspace Stress Model of Urban Impact o ile oa sebelisoa ho etsa boithuto Rietvlei Nature Reserve e Tshwane, profinseng ea Gauteng, Afrika Boroa. Maemo a sebaka sa thloleho ka har'a litoropo tse peli tse ntseng li hola ka potlako a ile a batlisisoa boithutong bona. Mekhoa ea patlisiso e nee kenyellelitse boithuto ba lingoliloeng, tlhahlobo ea itsoantso tsa liphetoho tsa tsebeliso ea mobu, 'moho le lipuisano le batho ka bomong le ka lihlopha. Tse fumanehileng phuputsong ena li kenyeletsa hore kholo ea litoropo e eketsa litlhoko le litebello tsa batho mabapi le litsebeletso tsa tikoloho tse fanoang ke libaka tsa thloleho. Likhatello ka har'a sebaka sa polokelo li kenyelletsa boleng ba metsi, boteng ba mefuta e hlaselang ea limela, likhatello tsa nts'etsopele tse matlafatsoang ke sebaka se amanang le meeli ea tsamaiso, le tlhokomeliso e sa lekaneng ka tikoloho ho sechaba. Mekhoa e atlehileng ea sebaka seo e tsehetsa khopolo ea hore libaka tsa tlhloleho li lokela ho ho ananela litebello tse tiisang boteng ba tsona. Matsoenyeho a tikoloho a akaretsang lefats'e a lokela ho kenyeletsoa har'a meralo ea litoropo le taolong ea libaka tsa lehae tseo batho ba li tsebang le ho li tsotella. Litsobotsi le mesebetsi ea sebaka sa tlholeho se kahara toropo hammoho le maikutlo a tikoloho e'o, le litekolo tsa maikutlo a ba amehang ba fapaneng li bohlokoa ha ho etsoa liqeto mabapi le ho tsoarella ha litsebeletso tsa tikoloho.

Keywords : Conservation; development; environmental change; human-environment interaction; urban pressure; geography; water; Rietvlei Nature Reserve; Tshwane.

        · abstract in English | Afrikaans     · text in English     · English ( pdf )