Resumo

HUGO, Mareli  e  BHANYE, Johannes. Tsusumetso ea likhopolo tsa khale tsa "nalane ea tikoloho" mabapi le mekhoa ea mehleng ea kajeno ea meralo ea litsi tsa thlahiso: boithuto ba tlhahlobo. Town reg. plan. (Online) [online]. 2022, vol.81, pp.39-52. ISSN 2415-0495.  http://dx.doi.org/10.18820/2415-0495/trp81i1.4.

Ho na le bopaki bo ntseng bo eketseha ba hore mekhoa ea thero ea litsi tsa thlahiso tse 'tala', kapa tse tsotellang tikoloho, e nkile sebopeho se seng mehleng ea kajeno. Sengoliloeng sena se hlahloba tsusumetso ea likhopolo tsa khale tsa tikoloho mabapi le mekhoa ea mehleng ea kajeno ea thero ea litsi tsa thlahiso (eco-industrialisation mehleng ea phetoho ea maemo a leholimo). Sengoloa se amohela mokhoa oa boleng ho ithuta ka komporo. Kakaretso ea lingoliloeng tsa lipatlisiso tse 45 li ile tsa qetella li khethiloe hore li hlahlojoe ka mor'a hore li fumanehe ho tsoa ho marang-rang. Boithuto bona bo bonts'a hore likhopolo tsa khale tsa 'botala ba tikoloho' li lula li le bohlokoa molemong oa ho khothaletsa mekhoa e tsoarellang ea ntlafatso ea litsi tsa thlahiso, haholo mokhoa oa Eco-Industrial Parks (EIPs). Le hoja tse ling tsa likhopolo-taba tsa khale tse kang ea toropo ea serapa li qalile lilemong tsa bo-1900, li ntse li sebetsa mekhoeng ea mehleng ea kajeno ea thero ea litsi tsa thlahiso. Khopolo ea toropo ea serapa e fana ka motheo bakeng sa sebaka sa litsi tsa thlahiso le likhopolo tse nchafatsang ebile li susumetsa ka matla thero ea lirapa tsa litsi tsena. Ho boetse ho na le kamano e ntle pakeng tsa li-EIP le khopolo ea sebaka sa litsi tsa thlahisoi, kaha li-EIP li tsepamisitse maikutlo holim'a tsebelisano le kabo ea sebaka sa liindasteri tse fapaneng sebakeng se fanoeng, ha li ntse li hatisa likarolo tsa tikoloho ea sechaba le moruo. Mokhoa oa EIPs o boetse o latela maikutlo a tikoloho e koetsoeng, tshebelisano ea litsi tha tlhahiso, khopolo ea tsosoloso, le khopolo ea lipolotiki tse hlokomelang tikoloho. Tsena ka bobeli li khothalletsa mekhoa e tsitsitseng ea indasteri. Sengoliloeng se phethela ka hore, le hoja thero ea lirapa tsa boikhathollo litsing tsa thlahiso e ntse e le litla-bocha Afrika, ho utloisisa kamano pakeng tsa likhopolo tsa khale tsa 'botala ba tikoloho' le li-EIPs ho ka thusa baetsi ba litoropo ba Maafrika le boraliindaseteri ho rala le ho kenya tsebetsong liratsoana tsa eco-industrial tse netefatsang tsamaiso e ntle ea litsi tsa thlahiso, tshebetso ea tikoloho, tshebetso ea setjhaba, le tshebetso ea moruo.

Palavras-chave : Eco-Industrial Parks; classical 'green' theories; planning practice; climate change; industrial symbiosis; Africa.

        · resumo em Inglês | Africaner     · texto em Inglês     · Inglês ( pdf )