Resumo

K'OYOO, Edwin. Impact of urban renewal changes on urban landscape identity: case study of Kisumu City, Kenya. Acta structilia (Online) [online]. 2023, vol.30, n.1, pp.155-185. ISSN 2415-0487.  http://dx.doi.org/10.38140/as.v30i1.7036.

Stedelike vernuwing wat onderneem word om te reageer op fisiese agteruitgang en verval binne stede lei tot verskeie veranderinge. Die veranderinge kan 'n impak hê op fisiese, sosio-ekonomiese en betekenisaspekte wat aan verskeie kenmerke geheg word, dus word die stedelike landskapsidentiteit van die stad beïnvloed. Stedelike vernuwing in Afrika word onderneem in die bestaande geboude vorms van die post-koloniale tye met die werke wat 'n impak het op stadsidentiteite. Stede streef daarna om uniek en afsonderlik te wees om wêreldhandel en toerisme te lok en te bevorder. Dit maak stadsidentiteit 'n kwessie van groot kommer. Hierdie studie postuleer dat 'n stad se uniekheid en eiesoortigheid in sy landskapsidentiteit lê wat hoog in ag geneem moet word wanneer stedelike omgewings deur hernuwings opgegradeer word. Hierdie studie het ten doel om die impak van veranderinge in stedelike vormelemente as gevolg van stedelike vernuwing op landskapsidentiteit te ondersoek. Dit is 'n gevallestudie-analise van Kisumu Stad, Kenia, wat onlangs opgradering van stedelike vorms ondergaan het. 'n Steekproef van 384 deelnemers is by die veldopname betrek, 12 deelnemers vir die foto-onttrekkingsonderhoud (PEI) en vier sleutelinformante. Kwantitatiewe en kwalitatiewe benaderings is gebruik. Die opnameresultate wat deur PEI-antwoorde ondersteun is, het aan die lig gebring dat vernuwingsveranderinge op stedelike fisiese vorms 'n positiewe impak op die stad se landskapsidentiteit gehad het en dit sodoende 'n visueel aantreklike plek gemaak het. Meeste van die respondente was tevrede met die verskillende komponente wat geïmplementeer is en met die algehele uitkoms. Hulle het gevoel dat die stad 'n ander maar beter plek geword het. Die artikel beklemtoon kommer oor die behoud van stedelike landskapsidentiteit binne stedelike hernuwingsprojekte in die post-koloniale era.

Palavras-chave : Urban landscape identity; urban form elements; urban renewal; impact of changes; post-colonial; Kisumu City; Kenya.

        · resumo em Inglês     · texto em Inglês     · Inglês ( pdf )