Serviços Personalizados
Artigo
Indicadores
Links relacionados
- Citado por Google
- Similares em Google
Compartilhar
Acta Structilia
versão On-line ISSN 2415-0487
versão impressa ISSN 1023-0564
Resumo
ALUMBUGU, Polycarp; SHAKANTU, Winston e TSADO, Abel. Assessment of transportation efficiency for the delivery of construction material in North-Central Nigeria. Acta structilia (Online) [online]. 2020, vol.27, n.2, pp.30-56. ISSN 2415-0487. http://dx.doi.org/10.18820/24150487/as27i2.2.
In Nigerië is kennis oor die bestuur van die logistieke stelsel vir konstruksiemateriaal, veral in vervoer, onvoldoende. Hierdie artikel evalueer die doeltreffendheid van die vervoer vir die aflewering van konstruksiemateriaal deur konstruksiemateriaalvervaardigers, ten einde die vervaardigingsvervoer in Noord-Sentraal Nigerië te verbeter. Altesaam 32 konstruksiemateriaalvervaardigers wat hul materiaal by 42 verspreidingsentrums/ pakhuise en kleinhandelaarswinkels aflewer, asook 30 konstruksieterreine is doelbewus vir hierdie studie gekies. Die gekose konstruksiemateriaalvervaardigers vervaardig ses soorte materiaal, naamlik sement, wapeningstawe (staal), keramiekteëls, gebreekte klippe, messelwerk, hol sandbetonblokke en sand (fyn en grof). 'n Gevallestudie navorsingsontwerpmetode is gebruik, waarin kwantitatiewe data versamel en ontleed is. 'n Waarnemingsgids (kwantitatiewe) is as navorsingsinstrument gebruik. Die kwantitatiewe data wat versamel is, is geanaliseer met behulp van beskrywende statistiese instrumente soos frekwensies en persentiele. Die resultate het getoon dat die doeltreffendheid van vervoer laag is in terme van voertuigverblyftyd, asook tydens die op- en aflaai van voertuie by die pakhuise, kleinhandelaarswinkels en terreine. Resultate toon ook dat daar nie van tegnologie in die vervoerstelsel gebruik gemaak word om die vervaardigerspakhuis met die ander logistieke vennote in die verskaffingsketting te integreer nie. Die aanbeveling is dat vervaardigers vervoerbedrywighede langs die afleweringsnodusse moet aanspreek om te verseker dat konstruksiemateriaal by die finale bestemming teen optimale kwaliteit, tyd en koste kom.
Palavras-chave : Doeltreffendheid; konstruksiemateriaal; tegnologie; vervaardigerslogistiek; vervoer.