Resumo

DE WET, Friedrich W. Die rol van profetiese prediking in publieke teologie: Die implikasies vir die hantering van korrupsie in 'n konteks van volhoubare ontwikkeling. In Skriflig (Online) [online]. 2014, vol.48, n.1, pp.01-08. ISSN 2305-0853.

Na bykans twee dekades van demokratiese regering in Suid-Afrika blyk dit dat patrone van onttrekking en onsekerheid oor wat die inhoud, rasionaliteit en impak van die publieke rol van die kerk in die samelewing presies behels, steeds voortduur. In 'n situasie waaruit dit blyk dat daar geen werklike teenvoeter is vir die hoë vlakke van korrupsie asook vir die bedreiging wat dit vir volhoubare ontwikkeling inhou nie, is dit hoog tyd dat die kerk, ten minste in die geval van die Suid-Afrikaanse kerke van reformatoriese oorsprong, diep oor sy profetiese rol in die samelewing moet besin. Hierdie kerke kom uit 'n ryke tradisie van kritiese en transformerende betrokkenheid in die publieke sfeer. In hierdie artikel plaas die outeur verskillende modelle vir die publieke rol van die kerk in die spanningsveld wat gegenereer word wanneer die private en publieke sfere mekaar ontmoet. Die outeur antisipeer verskillende konfigurasies wat waarskynlik na vore sal tree in hierdie spanningsveld in die gevalle van onderskeidelik die Twee Koninkryke Model, die Neo-Calvinistiese Benadering en die Kommunikatiewe Rasionaliteit Benadering.

        · resumo em Inglês     · texto em Inglês     · Inglês ( pdf )