SciELO - Scientific Electronic Library Online

 
vol.47 issue2The law is gospel: The Heidelberg Cathecism still relevant after 450 yearsA hermeneutical reflection on the resurrection of Jesus Christ in question and answer 45 of the Heidelberg Catechism author indexsubject indexarticles search
Home Pagealphabetic serial listing  

In die Skriflig

On-line version ISSN 1018-6441

Abstract

POTGIETER, Pieter C.. 'n Beter begrip van die vergifnis van sonde in die vroegste kommentaar op die Heidelbergse Kategismus. In Skriflig (Online) [online]. 2013, vol.47, n.2, pp. 1-6. ISSN 1018-6441.

Hierdie artikel toon aan dat daar, wat die vergifnis van sonde betref, nie net groot ooreenstemming en dieselfde basiese benadering ten opsigte van geloofskwessies in die kommentare van Ursinus en Olevianus op die Heidelbergse Kategismus is nie, maar dat daar ook 'n waardevolle wedersydse aanvulling van mekaar se werk is. Albei het by geleentheid in Genéve onder Calvyn gestudeer: sy invloed is onmiskenbaar in hulle leerstellige benaderings. In Ursinus se Explicationum Catecheticarum weeg die akademiese korrektheid swaarder, terwyl daar in Olevianus se Vester Grundt ook 'n pastorale en spirituele dimensie bykom. Olevianus se betrokkenheid by die opstel van die Heidelbergse Kategismus is soms sterk bevraagteken, maar nuwe navorsing laat genoegsaam blyk dat albei teoloë inderdaad deel gehad het daaraan, en ook goed toegerus was met die nodige agtergrond om 'n nadere verklaring van die Kategismus die lig te laat sien. Albei benadruk die onbetwisbare en enigste verdienste van Jesus Christus deur sy middellike dood aan die kruis as enigste grond vir God se genadige vergifnis van die sondaar. Dit is God se vrye guns, wat aangeneem word in geloof en vertroue deur die verdienste van Christus.

        · abstract in English     · text in English     · English ( pdf )

 

Creative Commons License All the contents of this journal, except where otherwise noted, is licensed under a Creative Commons Attribution License