Abstract

VILJOEN, Francois P.. Geregtigheid van Jesus en Johannes in Matteus. In Skriflig (Online) [online]. 2013, vol.47, n.1, pp.311-318. ISSN 2305-0853.

Geregtigheid vorm 'n belangrike motief in die eerste evangelie. Hierdie artikel fokus op twee van die sewe voorkomste van hierdie term in Matteus, waar dit na Jesus en Johannes verwys. Die argument in hierdie artikel is dat Matteus doelbewus die woord geregtigheid in verband met Jesus en Johannes gebruik om die lewenstyl van sy gemeenskap te omskryf. Jesus vorm die sentrale fokus van hierdie gemeenskap se identiteit. Jesus het Homself volledig met sy volk geïdentifiseer en alle geregtigheid vervul. Johannes word beskryf as 'n persoon wat Jesus tereg herken het. In sy verkondiging en optrede het hy ook alle geregtigheid vervul. Die Matteus-gemeenskap moet dieselfde doen. Hoewel die woord geregtigheid in 'n soteriologiese sin gebruik kan word, gebruik Matteus dit in 'n etiese sin. Met geregtigheid verwys Matteus na die gepaste gedrag en gesindheid vir sy gemeenskap. As 'n onderskeidende faktor, kontrasteer hy die geregtigheid van sy gemeenskap met dié van die skrifgeleerdes en Fariseërs.

        · abstract in English     · text in English     · English ( pdf )