Abstract

BRANCH, R.G.. Leer 'n ou hond nuwe truuks: Herodotus bevestig Xerxes se woedetemperament in The Persian wars en die boek Ester verleen insig ten opsigte van die hantering van woede. In Skriflig (Online) [online]. 2009, vol.43, n.3, pp.669-694. ISSN 2305-0853.

Die boek Ester beskryf Xerxes, koning van Mede en Perse, as 'n driftige man. Dit lig die koning se hoogte- (Ester, 1:12; 7:7) en laagtepunte (Ester, 2:1; 7:10) uit. Dit is verrassend dat Herodotus in "The Persian wars" ook die koning se gramskap en woede op 'n soortgelyke manier beklemtoon. Sy klassieke Griekse verhaal vul moontlik die tydsgaping tussen Ester 1 en 2: Xerxes reis in 'n westelike rigting vanaf sy hoofstad Susa, en verloor 'n oorlog in Sparta. "The Persian wars" stel Xerxes se internasionale vernedering sowel as die tiran se uitbarstings onderweg te boek. Xerxes tiranniseer en blameer ondergeskiktes; vernietig eiendom en lewens vanaf Persië tot by Sparta; tree verwaand op; en openbaar woedeuitbarstings wanneer hy teëgegaan of gedwarsboom word. Herodotus bevestig dat onderdane, vyande en adjudante lig loop vir hierdie internasionale tiran. Daar is egter een persoon wat dit nie doen nie. Artemisia, die vroulike bevelvoerder van 'n skip, verdien Xerxes se respek. Wanneer die gevegsterrein van sy lewe terugskuif vanaf Sparta na Susa, presenteer die Bybel 'n tweede model van waagmoed: Ester, Xerxes se nuwe koningin. Hierdie pragtige "generaal" in koninklike gewaad, loop met selfvertroue in die koning se magsetel. Sy verskyn telkens grasieus dog kragdadig voor die koning. Deur gebruik te maak van woedebestuurstegnieke, met 'n vermenging van wysheid en vroulikheid, trotseer Ester Xerxes se woede - en neutraliseer dit.

        · abstract in English     · text in English     · English ( pdf )