Resumo

ZAAIMAN, Johan. Mag en invloed: beoordeling van die konseptuele verhouding. Koers (Online) [online]. 2020, vol.85, n.1, pp.1-14. ISSN 2304-8557.  http://dx.doi.org/10.19108/KOERS.85.1.2466.

Mag en invloed is kernkonsepte in die sosiale wetenskappe. As begrippe wat nou aan mekaar verwant is, is dit nie altyd maklik om hulle van mekaar te onderskei nie. In die literatuur bestaan daar uiteenlopende definisies vir mag en invloed. Daar bestaan ook verskillende beskouings oor die verband tussen hierdie konsepte. Hierdie artikel herbesoek hierdie debatte. Die navorser verduidelik die probleme om konsepte in die algemeen en veral van mag en invloed te definieer. Dit word gedoen deur te verwys na akademiese pogings om die betekenis van hierdie begrippe uit te klaar en daarby hul konseptuele verhouding te verduidelik. Daar word getoon dat die debat ingewikkeld is en dat n finale antwoord nie maklik gevind kan word nie Hierdie artikel ondersoek egter die verskille in betekenis tussen die konsepte uit die literatuur. Op grond van hierdie onderskeidings, identifiseer die navorser primêre betekenisse van die konsepte en dui die velde aan waar hierdie betekenisse oorvleuel. Hierdie artikel dra by om gebruikers van hierdie konsepte te voorsien van konseptuele bakens wat hulle kan help om die konsepte sinvol te gebruik en te integreer.

Palavras-chave : mag; invloed; definisie; konsep.

        · resumo em Inglês     · texto em Inglês     · Inglês ( pdf )