SciELO - Scientific Electronic Library Online

 
vol.80 issue1Using Scripture in practical-theological tension-fieldsIntegrating Christian living and international management author indexsubject indexarticles search
Home Pagealphabetic serial listing  

Koers

On-line version ISSN 2304-8557
Print version ISSN 0023-270X

Abstract

RATHBONE, Mark. Sphere sovereignty and irreducibility: The ambiguous use of Abraham Kuyper's ideas during the time of apartheid in South Africa. Koers (Online) [online]. 2015, vol.80, n.1, pp.1-8. ISSN 2304-8557.  http://dx.doi.org/10.4102/koers.v80i1.2208.

Die doel van hierdie artikel is om aan te dui dat die konsep sfeersoewereiniteit soos gepostuleer deur Abraham Kuyper op 'n dubbelsinnige manier gebruik is in die geskiedenis van Suid-Afrika, spesifiek gedurende die tyd van apartheid. Aan die een kant, word dit geassosieer met die regverdiging van apartheid, wat spesifiek uitkomin die dokument Ras, volk en nasie en volkereverhoudinge in die lig van die Skrif (1976). Aan die ander kant word dit geassosieer met Swart Bevrydingsteologie, spesifiek dié van Alan Boesak, wat weerstand teen apartheid gebied het. Die probleem is dat albei hierdie perspektiewe die kompleksiteit van die werklikheid reduseer tot ras. Volgens Kuyper verwys sfeersoewereiniteit daarna dat geen aspek van die realiteit 'n absolute verwysingspunt kan wees vir die strukturering van die geheel nie en elke aspek is soewerein binne sy eie gebied. Daarom kan nie ras of enige ander aspek 'n norm wees om die realiteit te struktureer nie. Die eenheid en struktuur van die realiteit is gesetel in God as skepper van alle dinge. Dit is juis hierdie anti-reduksionistiese perspektief van Kuyper wat voordele mag bied vir post-apartheid Suid-Afrika.

Keywords : Abraham Kuyper; Sfeersoewereiniteit; Onreduseerbaarheid; Apartheid; Swart Teologie.

        · abstract in English     · text in English     · English ( pdf )

 

Creative Commons License All the contents of this journal, except where otherwise noted, is licensed under a Creative Commons Attribution License