Resumo

BASDEN, Andrew. Die verstaan van artefakte verwant aan menslike aspekte: Die geval van inligtingstegnologie en -sisteme. Koers (Online) [online]. 2014, vol.79, n.3, pp.01-10. ISSN 2304-8557.  http://dx.doi.org/10.4102/koers.v79i3.2156.

Hierdie artikel het twee doelwitte. Die eerste doelwit is om Stafleu se idees oor artefakte te kritiseer en uit te brei. Die tweede doelwit, wat as 'n demonstrasie van hierdie uitbreiding beskou kan word, is om 'n uiteensetting van inligtings-en kommunikasietegnologie (IKT) as 'n tipe artefak te bied, sowel as om na die gebruik daarvan in die menslike lewe, as inligtingsisteme (IS), te verwys. IKT is 'n tipe artefak wat meer kompleks is as daardie artefakte wat deur Stafleu se idee gedek word. IKT is al op minstens vyf maniere benader: die kunsmatige intelligensie-kwessie oor wat die rekenaar is, die rekenaarkwessie oor die generering van sagteware-biblioteke, hoe goeie inligtingstelsels ontwikkel kan word, die vraag oor die voordele en skade in die gebruik van IKT, en die vraag oor die wedersydse impak van IKT en die samelewing. 'n Belangrike sesde vraag handel oor die uiteenlopende aard van die navorsing soos dit in bogenoemde na vore kom, wat verder gaan as Stafleu se idee van wetenskaplike navorsing om ontwerp, interpretatiewe en kritiese navorsing in te sluit. 'n Kort oorsig van die hoofstroom-benaderings word vir elk van hierdie ses kwessies uiteengesit, gevolg deur 'n benadering wat gebaseer is op aspekte van Dooyeweerd se filosofie. In die laaste twee afdelings word aangedui hoe Dooyeweerd se filosofie van waarde kan wees in hierdie ses areas, asook hoe navorsing in hierdie areas op hulle beurt 'n bydrae kan lewer tot Dooyeweerdiaanse filosofie.

        · resumo em Inglês     · texto em Inglês     · Inglês ( pdf )