Resumo

VERKERK, Maarten J.. Filosofiese hulpmiddels vir die ontwerp van tegnologie: Die konsepsuele mag van Dooyeweerdiaanse filosofie. Koers (Online) [online]. 2014, vol.79, n.3, pp.1-7. ISSN 2304-8557.  http://dx.doi.org/10.4102/koers.v79i3.2164.

Hierdie artikel ondersoek Dooyeweerdiaanse filosofie se konsepsuele krag vir die ontwerp van tegnologie. Dit blyk dat die filosofiese rykheid van die teorie van modale aspekte, die teorie van individualiteitstrukture en die teorie van grondmotiewe aan ingenieurs ontbloot moet word sodat hulle hierdie teoretiese insigte in hul daaglikse praktyke kan toepas. Die Triple I-model is in 'n dialogiese proses saam met ingenieurs ontwikkel. Hierdie model neem die gebruikerspraktyk as uitgangspunt en analiseer hierdie praktyk vanuit drie verskillende perspektiewe: identiteit of intrinsieke waarde, insluiting van die geregverdigde belange van belanghebbendes, en die ideale, drome en waardes wat die ontwerp saam vorm gee. Verdere filosofiese hulpmddels is die teorie van die modale aspekte en die teorie van die individualiteitstrukture. Al hierdie hulpmiddels vir die ingenieurspraktyk kan konkreet gemaak word deur middel van skemas, tekeninge, ontwerpvrae, morele standaarde, oorsiglyste en ontwerpmetodes. Die gebruik van die model kan hopelik tot die vrugbare toepassing van hierdie hulpmiddels in die ingenieurspraktyk lei.

        · resumo em Inglês     · texto em Inglês     · Inglês ( pdf )