Services on Demand
Article
Indicators
Related links
- Cited by Google
- Similars in Google
Share
Koers
On-line version ISSN 2304-8557
Print version ISSN 0023-270X
Abstract
SERAME, Numvula J.; OOSTHUIZEN, Izak J.; WOLHUTER, Charl C. and ZULU, Connie B.. 'n Ondersoek na die dissiplinemetodes wat gebruik word deur sekondêre skoolonderwysers in Suid-Afrika. Koers (Online) [online]. 2013, vol.78, n.3, pp.1-6. ISSN 2304-8557.
Die navorsing waaroor hier gerapporteer word, het ondersoek ingestel na die voorkoms van leerderdissiplineprobleme, die effek daarvan op onderwysers, onderwysers se metodes om dissipline te handhaaf, en die doeltreffendheid van dié metodes, soos dit voorkom in 'n historiese Swart woonbuurt, naamlik Jouberton, Klerksdorp, Suid-Afrika. Die belewenis van onderwysers sowel as leerders was gepeil. Daar is bevind dat dissipline by die skool ver van bevredigend is en dat dissiplineprobleme ernstiger is as die internasinoale norm. Hierdie probleme het ernstige gevolge op 'n groot persentasie van onderwysers se persoonlikie lewe, werksbevrediging en moraal. Terwyl dit prysenswaardig is dat beide onderwysers en leerders die opvoedkundig meer aanvaarbare voorkomende en positiewe metodes van dissiplinehandhawing verkies, blyk dit dat dat onderwysers nie daarin slaag om dié pro-aktiewe metodes van dissiplinehandhawing suksesvol toe te pas nie. Laastens dui leerders se mening oor metodes van dissiplinehandhawing op 'n kommerwekkende minagting van die beginsels van demokrasie, menseregte en menswaardigheid, en van rasionaliteit as instrument in konflikresolusie. Aanbevelings vir opvolgnavorsing ter verbetering van die dissiplinesituasie aan skole word gemaak.