Servicios Personalizados
Articulo
Indicadores
Links relacionados
- Citado por Google
- Similares en Google
Compartir
Koers
versión On-line ISSN 2304-8557
versión impresa ISSN 0023-270X
Resumen
SCHULZE, Salome. Bemagtiging en ontmagtiging van studente in die verhouding tussen student en studieleier. Koers (Online) [online]. 2012, vol.77, n.2, pp.1-8. ISSN 2304-8557.
Die kwessie van bemagtiging in die verhouding tussen student en studieleier is nog nie in Suid-Afrika deeglik ondersoek nie. Die studie waaroor hierdie artikel handel is dus daarop gemik om te bepaal hoe studente in hul verhoudings met hul studieleiers bemagtig of ontmagtig word. Die teoretiese raamwerk van die studie was sosiale konstruktivisme, kritiese pedagogie en teorieë oor die bemagtiging van studente. 'n Fenomenologiese gevallestudie-navorsingsontwerp is gebruik. Vyftien meesters- en doktorale studente met nege verskillende studieleiers van een kollege aan die Universiteit van Suid-Afrika, en wat onlangs gegradueer het, is doelgerig vir onderhoude geselekteer. Die bevindinge van die studie toon aan dat studente nie altyd deur volgehoue, tweerigting-kommunikasie in 'n ondersteunende omgewing bemagtig is nie. Om studente te bemagtig, moet supervisiestyle van maggesentreerde na fasiliterende supervisie verander. Die studie het ook aangetoon dat baie studieleiers dit moeilik gevind het om hierdie styl in 'n afstandsonderrigkonteks te aanvaar. Die studie is belangrik omdat dit 'n model genereer wat die interaksie van verskeie invloede op die supervisieverhouding illustreer. Aanbevelings vir verbetering is ook gemaak.