Resumo

MURANGANWA, I.  e  R.NAIDOO. Assessing organisations' readiness to adopt green information technology: the case of a South African information technology services vendor. S. Afr. J. Ind. Eng. [online]. 2023, vol.34, n.2, pp.79-91. ISSN 2224-7890.  http://dx.doi.org/10.7166/34-2-2881.

Aanneming van groen inligtingstegnologie (IT) is 'n belangrike onderwerp op die gebied van inligtingstelsels, besigheidsvolhoubaarheid en korporatiewe sosiale verantwoordelikheid. Hierdie gevallestudie pas die groen IT-aannemingsmodel (GITAM) toe om 'n sistematiese en kwalitatiewe gereedheidsbeoordeling by 'n groot Suid-Afrikaanse IT-diensverskafferorganisasie uit te voer. Tematiese data-analise is gebruik om die data wat van bestuurders en spesialis IT-personeel ingesamel is, te ontleed. Die assessering het aan die lig gebring dat die vernaamste hindernisse vir organisatoriese aanvaardingsgereedheid die gebrek aan 'n formele groen IT-beleid, 'n onduidelik gedefinieerde groen IT-bestuursraamwerk en 'n gebrek aan groen prestasiebestuur was. Die belangrikste dryfvere van aanneming was ekonomiese imperatiewe en regulatoriese en etiese vereistes. Interessant genoeg het 'n kontekstuele veranderlike - 'n eksogene skok veroorsaak deur COVID-19 en die robuustheid van die organisasie se krisisreaksie tydens die pandemie -die tempo van groen IT-aanneming by die firma vinnig laat toeneem.

        · resumo em Inglês     · texto em Inglês     · Inglês ( pdf )