Resumen

MOEKETSI, T.C.  y  LETABA, T.P.. Leapfrogging pathway for Fourth Industrial Revolution: a case of process innovation within an automotive subsidiary firm. S. Afr. J. Ind. Eng. [online]. 2022, vol.33, n.4, pp.81-93. ISSN 2224-7890.  http://dx.doi.org/10.7166/33-4-2684.

Die verhouding tussen Vierde Industriële Revolusie-tegnologieë en innovasie is interessant, aangesien innovasie poog om 'n vlak van mededingendheid vir sy gebruikers te ontsluit, waarvan die omvang in hierdie navorsingsartikel gedek word. Die uitgangspunt van hierdie studie is dat filiaalfirmas hulle tot die praktyk van prosesinnovasie leen. Die fokus van hierdie studie was op 'n Suid-Afrikaanse motorfiliaalfirma, en 'n gevallestudiemetodologie was gebruik. Data was ingesamel van vraelysreaksies van spesialiste en terugvoer van onderhoude met bestuurders ten einde insigte te verkry wat die stand van ondernemings se tegnologiese vermoë, die dinamika daaragter en die sprongmaatreëls wat geneem kan word, sou inlig. Hierdie studie het getoon dat die huidige stand van tegnologiese vermoë in die steekproeffirma gewissel het van onvoldoende tot bevredigend. Drie prioriteitsareas is gedefinieer: robotika, groot data en wolkverwerking, en gevorderde vervaardigingstelsels. Daar is gevind dat die werkers se ingesteldheid 'n ernstige struikelblok is om die Vierde Industriële Revolusie-tegnologie ten volle te benut. Hierdie studie het maatreëls gedek wat nodig sou wees om 'n suksesvolle digitale transformasie te verseker, wat die beste gerealiseer word deur 'n inkrementele innovasiestrategie. Die belangrikste maatstawwe van firma mededingendheid is uiteengesit as kwaliteit, volume en koste, wat alles deur prosesinnovasies beïnvloed kan word.

        · resumen en Inglés     · texto en Inglés     · Inglés ( pdf )