Abstract

SERFONTEIN, J.L. et al. Die sheet hydroforming of a complex-shaped aa2024-w aircraft skin panel - from concept to final component. S. Afr. J. Ind. Eng. [online]. 2021, vol.32, n.4, pp.13-27. ISSN 2224-7890.  http://dx.doi.org/10.7166/32-4-2502.

In die vroeë stadiums vereis produkontwerp 'n meer kwantitatiewe proses om seker te maak dat die simulasiestudie se uitkoms aan die verwagtinge voldoen. Die doel van hierdie studie was om vas te stel of 'n simulasiepakket vir vervaardigingsimulasie die stempelplaat-hidrovorming van 'n aluminiumligering vliegtuigpaneel met 'n komplekse vorm doeltreffend kon evalueer en staaf. Die ru-stuk- en persgereedskap konsepte is digitaal gekonseptualiseer, geëvalueer, en gestaaf met behulp van die konseptualiseringsiklus van die vormingsproses. Omdat dit nie nodig was om verskeie ru-stuk- en persgereedskap konsepte fisies te toets nie, is daar beduidend bespaar deur die gebruik van 'n hulpbron-doeltreffende ontwikkelingsproses. Selfs sonder die modellering van die hiperelastiese rubberelemente kon n suksesvolle hidrovormingsimulasie-uitslag behaal word. Die studie het egter getoon dat n rubber-op-metaal-wrywingskoëffisiënt toepaslik geïnkorporeer moet word. Die studie dui op die gebrek aan standaard metrologiemetodes vir die akkurate evaluering van n simulasie-uitslag in kommersiële simulasiepakkette. Simulasie-metrologie is n nuwe belangstellingsgebied wat verder ontwikkel moet word. Die navorsing dra by tot die verbetering van die simulasieproses van plaatmetaalvorming, en spesifiek die simulasie van die stempelplaat-hidrovormingsproses. Die studie is van nut vir die ruimtevaart- en motorbedryf en bevorder die aanvaarding van digitale vervaardigings-prosesse.

        · abstract in English     · text in English     · English ( pdf )