Abstract

FAIR, R. et al. Simulating the sensitivity of underground ventilation networks to fluctuating ambient conditions. S. Afr. J. Ind. Eng. [online]. 2021, vol.32, n.3, pp.42-51. ISSN 2224-7890.  http://dx.doi.org/10.7166/32-3-2616.

Die weer het 'n direkte impak op ventilasiestelsels, veral by groot industriële stelsels soos in gebruik in ondergrondse myne. Ondergrondse mynventilasie-stelsels het hoë koste-implikasies wat bydra tot die finansiële druk en onsekerheid van toekomstige mynbedrywighede. Die dinamiese aard van ondergrondse mynventilasiestelsels bemoeilik die voorspelling van die ondergrondse toestande met tradisionele, gestadigdetoestand metodes aansienlik. Daarom word verbeterde voorspellingsmetodes van die dinamiese ondergrondse omgewingstoestande benodig; dit mag ook die kostedoeltreffendheid van mynventilasiestelsels verseker. Hierdie artikel ondersoek die moontlikheid om die faktore wat die verandering van ondergrondse omgewingstoestande beïnvloed, te simuleer. Simulasie sagteware is toegepas in 'n gevallestudie van 'n goudmyn in Suid-Afrika. Die resultate toon dat die oorgangsgedrag gesimuleer kan word en dat dit gebruik kan word om die veranderende omgewingstoestande te voorspel.

        · abstract in English     · text in English     · English ( pdf )