Abstract

LEONARD, E.; DE KOCK, I.H.  and  BAM, W.. The development of a healthcare innovation adoption readiness assessment tool (HIARAT). S. Afr. J. Ind. Eng. [online]. 2019, vol.30, n.1, pp.147-170. ISSN 2224-7890.  http://dx.doi.org/10.7166/30-1-2013.

'n Ontkoppeling bestaan tussen innovasies en die aanneming van sulke innovasies, spesifiek binne gesondheidsorgfasiliteite. Hierdie ontkoppeling lei tot verskillende gesondheidsorguitdagings wat tans nie aangespreek word nie, maar wat aangespreek behoort te kan word deur die suksesvolle aanneming en integrasie van 'n innovasie in organisatoriese prosesse. Om die uitdaging van innovasie-aanneming binne gesondheidsorg aan te spreek, word voorgestel dat 'n instrument ontwikkel word om gebiede te identifiseer wat aangespreek moet word om die kanse van die suksesvolle aanneming en integrasie van innovasies in bestaande stelsels in 'n openbare gesondheidsorgfasiliteit te verbeter. Deur die beoordeling van 'n fasiliteit se gereedheid vir innovasie aanneming, is dit moontlik om die struikelblokke tot die suksesvolle aanneming van innovasies te identifiseer. Om te weet wat sulke uitdagings of hindernisse vir die aanneming van innovasies is, sal rolspelers in staat stel om hierdie uitdagings of hindernisse aan te spreek. Die doel van hierdie artikel is om die gesondheidsorg-innovasie-aannemingsgereedskap-assesserings-instrument (HIARAT) te ontwikkel, wat die volwassenheid van 'n gesondheidsorgfasiliteit se aannemingsproses meet. Die HIARAT is gevalideer deur middel van 'n gesigs-evaluasie werkswinkel, en deur middel van 'n gevallestudie by 'n Suid-Afrikaanse openbare gesondheidsorgfasiliteit.

        · abstract in English     · text in English     · English ( pdf )