Resumo

BAUM, J.  e  VLOK, P.J.. Mapping primary constraints in physical asset management strategy execution, using social network analysis. S. Afr. J. Ind. Eng. [online]. 2013, vol.24, n.2, pp.47-58. ISSN 2224-7890.

Die suksesvolle uitvoering van die fisiese batebestuurstrategie is 'n belangrike genereerder van waarde vir organisasies wat afhanklik is van die dienslewering van fisiese bates. Hedendaagse navorsing wys egter dat geskeduleerde mylpale meestal nie bereik word nie, en dat die metodes wat gebruik word om vas te stel watter beperkings die strategie-uitvoering ondermyn, ontoereikend is. Die doel van hierdie artikel is om die aanwending van sosiale netwerkanalise as 'n metode te ondersoek, om die primêre beperkings ten opsigte van die uitvoering van fisiese batebestuurstrategie te identifiseer. Die voorlopige resultate van die studie het bevind dat gebrekkige inligtingsvloei en swak besluitneming die hoofbeperkings is wat die uitvoering van 'n fisiese batebestuurstrategie kan verhinder. Gevolglik is 'n sosiale netwerkanalise toepassingsmetodiek ontwikkel, en dan op twee teiken-aanlegte in die Suid-Afrikaanse mynboubedryf toegepas. Die studie het bevind dat sosiale netwerkanalise geskik is as 'n metode om die primêre beperkings, wat ondervind word in die uitvoering van fisiese batebestuurstrategie, te identifiseer. Dit moet egter ook beklemtoon word dat daar belangrike voorvereistes bestaan, wat vir die suksesvolle toepassing van sosiale netwerkanalise in plek moet wees.

        · resumo em Inglês     · texto em Inglês     · Inglês ( pdf )