Resumo

NORTJE, F.D.  e  SNADDON, D.R.. The Toyota production System's fundamental nature at selected South African organisations - a learning perspective. S. Afr. J. Ind. Eng. [online]. 2013, vol.24, n.1, pp.68-80. ISSN 2224-7890.

Die Toyota Vervaardigingstelsel (TPS) word deur sommige beskou as die toppunt van volgehoue-verbetering metodes tans in gebruik deur veral vervaardigingsmaatskappye, en teorieë oor die stelsel is welbekend. Sommige kenners reken egter die huidige verstaan van die TPS skiet tekort in sekere aspekte, en stel Bateson se teorie [1] oor hoe mense leer voor as 'n beter manier om 'n fenomeen soos die TPS te verstaan. Hierdie artikel ondersoek die voorkoms van die basiese aard van die TPS by geselekteerde Suid-Afrikaanse organisasies. Bateson se teorie word as 'n raamwerk gebruik om 'n model van die TPS op te stel. Kwalitatiewe gevallestudies, waaraan sewe organisasies deelneem, word gebruik om data in te samel. Die analise volg 'n groepering en kruisondersoek benadering tesame met patroon-ontleding om tot 'n gevolgtrekking te kom. Elemente van die model word wisselend toegepas en aansienlik minder as wat die TPS model voorhou, met die minste toepassing gevind in lae volume / lot-vervaardiging omgewings. Interessante uitkomste word moontlik verduidelik deur produk-proses vergelykings asook die toepassing van die hoër vlakke van die TPS model soos opgestel.

        · resumo em Inglês     · texto em Inglês     · Inglês ( pdf )