Resumen

GUPTA, S.; TEWARI, P.C.  y  SHARMA, A.K.. An availability simulation model and performance analysis of a coal handling unit of a typical thermal plant. S. Afr. J. Ind. Eng. [online]. 2009, vol.20, n.1, pp.159-172. ISSN 2224-7890.

Die artikel beskryf die ontwikkeling van 'n beskikbaarheidsimulasiemodel vir 'n steenkoolhanteringseenheid van 'n termiese aanleg deur gebruik te maak van werkverrigtingsanalise met 'n waarskynlikheidsbenadering. In die geval bestaan die hanteringseenheid uit vyf subsisteme. Onder die aanname van konstante faling- en hersteltempo's vir al die subsisteme word die wiskundige formulering gebaseer op die Markov geboorte-sterfte-proses. Nadat die oorgangsdiagram ontwikkel is, word differensiaalvergelykings gegenereer en waarna die gestadigde toestandwaarksynlikhede vasgestel word. Een beskikbaarheidsmatriks is verder ontwikkel wat toelaat vir verskillende werkverrigting-/beskikbaarheidsvlakke teen verskillende kombinasies van faling- en hersteltempo's van alle subsisteme. Gebaseer op verskillende beskikbaarheidswaardes verkry van die beskikbaarheidsmatriks en grafieke van die falings-/hersteltempo's van die onderskeie subsisteme, word werkverrigting en optimum waardes vir faling- en hersteltempo's vir maksimum beskikbaarheid van elke subsisteem ontleed. Vervolgens word instandhoudingsprioriteite vir elke subsisteem voorgehou.

        · resumen en Inglés     · texto en Inglés     · Inglés ( pdf )