Resumo

FARISANI, Elelwani B.. Ditlhohlo tše Malutere a Borwa bja Afrika a lebanego natšo. Verbum Eccles. (Online) [online]. 2013, vol.34, n.1, pp.01-05. ISSN 2074-7705.

Go tšwa historing ya Kereke ya Lutere, go molaleng gore kereke ye e theilwe tabeng ya go nyakana le kereke ya mmakgonthe, go e fapantšha le kereke ya bofora (Kistner & Buthelezi 1976:21ff.). Go molaleng gape gore bobedi kereke ya therešo le ya bofora di šomiša Lentšu la Modimo dithutong tša tšona. Le ge go le bjalo, go tšwa go dikanegelo tše di lego gona, go laetša nke nepo ya Luther ya go thoma kereke ye e be e le matšapa a go kwešiša 'ka fao kereke e hlangwago le go nošetšwa ka gona,' (Kistner & Buthelezi 1976:22) gape o be a dumela kudu gore taba e kgolo ke ya Lentšu la Modimo leo ka lona Kriste a šomago le go ba gona ka gare ga kereke. Nepo ya taodišwana ye ke go ahlaahla se se bonalago e le bokamoso bja Bolutere ka Afrika-Borwa. Go dira seo, go bohlokwa go lebelela go tše di fetilego ka histori le seabe sa Bolutere mo Afrika-Borwa. Seo se tlo laetša maatla, mafokodi, ditlhohlo le dibaka tše botše tša Thutatumelo ya Lutere le dikereke tša Lutere ka Borwa bja Afrika¹ tšwalanong le Bolutere ditšhabatšhabeng. Ka yona tšela yeo, histori ya Bolutere ka Borwa bja Afrika e tlo ba motheo wa taodišwana ye.

        · resumo em Inglês     · texto em Outros     · Outros ( pdf )