SciELO - Scientific Electronic Library Online

 
vol.19 issue1HIV epidemic in South Africa: A comparison of HIV epidemic patterns of two extreme provinces in South AfricaDirectly-Observed Treatment Strategy implementation practices in a hospital in eThekwini health district author indexsubject indexarticles search
Home Pagealphabetic serial listing  

Health SA Gesondheid (Online)

On-line version ISSN 1025-9848

Abstract

SECHOARO, Ernest J.; SCROOBY, Belinda  and  KOEN, Daleen P.. The effects of rehabilitation on intellectually-disabled people - a systematic review. Health SA Gesondheid (Online) [online]. 2014, vol.19, n.1, pp. 1-9. ISSN 1025-9848.  http://dx.doi.org/10.4102/hsag.v19i1.693.

AGTERGROND: Rehabilitasie het ontwikkel in 'n omvattende benadering met 'n kombinasie van behandelingsmetodes om die veelvoudige hindernisse wat met intellektuele gestremdheid geassosieer word die hoof te bied. Rehabilitasie word gebruik om die intellektueel gestremde mense se vaardigheidstekorte aan te pak, bevoegdheid te bevorder en optimal funksionering te fasiliteer met die beste moontlike sosiale en ekonomiese deelname, onafhanklikheid, selfstandigheid en selfbeskikking as doelwit. DOELSTELLING: Hierdie sistematiese literatuuroorsig het die beskikbare bewyse van die effek van rehabilitasie op intellektueel gestremde mense ondersoek en beskryf. METODE: Literatuur soektogte van verskillende elektroniese databasisse en handsoektogte was gedoen deur geselekteerde sleutelwoorde te gebruik. Studies oor die effekte van rehabilitasie op die intellektueel gestremde persone was stelselmatig geselekteer, krities ontleed vir metodologiese kwaliteit en opgesom. RESULTATE: Rehabilitasie-intervensies het goeie uitkomste op intellektueel gestremde mense getoon. Bevindinge het getoon dat mense met ligte tot matige intellektuele gestremdhede ten opsigte van daaglikse aktiwiteite na rehabilitasie verbeter het. Vordering is opgemerk in daaglikse leefaktiwiteite, selfsorgvaardighede, kommunikasievaardighede en kognitiewe prestasie. GEVOLGTREKKINGS: Bevindinge het positiewe rehabilitasie effekte op die intellektueel gestremde mense getoon. Hierdie studie dra by tot die omvattende verpleging van intellektueel gestremde mense deur ondersteuning van die doeltreffendheid van rehabilitasie met betrekking tot daaglikse leefaktiwiteite, selfsorgvaardighede, kommunikasievaardighede en kognitiewe prestasie te gee. Die bewyse wat in hierdie studie ingesamel is, kan bydra tot die opleiding van doeltreffender verpleegkundiges wat by die daaglikse versorging en rehabilitasie van intellektueel gestremde mense betrokke is.

        · abstract in English     · text in English     · English ( pdf )

 

Creative Commons License All the contents of this journal, except where otherwise noted, is licensed under a Creative Commons Attribution License