Abstract

DITEWEG, Hilde et al. AIDS awareness and VCT behaviour: An application of the integrated model of behaviour prediction. Health SA Gesondheid (Online) [online]. 2013, vol.18, n.1, pp.1-10. ISSN 2071-9736.

Dit is belangrik om doelgerigte voorkomende strategieë te ontwikkel om die verspreiding van MIV en VIGS in Suid Afrika te bekamp. Die vrywillige MIV-voorligtings- en toetsingsprogram (VVT) blyk effektief te wees om die verspreiding van die MI virus te stuit. In hierdie studie is 'n vraelys ontwikkel wat op die geïntegreerde model van gedragsvoorspelling (GMG) gebaseer is. Die studie ondersoek die mate waarin die GMG gedrag kan voorspel. n Steekproef van 92 sport spanlede van Limpopo tussen die ouderdomme van 14 tot 30 jaar, het die vraelys voltooi. Resultate toon dat oortuigings oor die uitkoms van gedrag en oortuigings oor die verwagtings van ander 'n direkte invloed uitoefen op die intensie om VVT te ondergaan. Oortuigings dat daar faktore is wat gedrag kan fasiliteer het 'n invloed op die intensie slegs as 'n mens ook die gemak waarmee gedrag uitgevoer kan word insien. Kennis, intensie en stigma is nie verwant aan toetsgedrag nie. Die bevindinge toon dat sommige konstrukte wel intensie en toetsgedrag beinvloed, maar nie op die manier wat die model voorstel nie. Resultate bevraagteken die vermoê van die GMG om MIV en VIGS- voorkomende gedragsintensies te bepaal.

        · abstract in English     · text in English     · English ( pdf )