Resumen

VAN DER WESTHUIZEN, Marichen; ALPASLAN, Assim H. (Nicky)  y  DE JAGER, Mariana. Aftercare to chemically addicted adolescents: An exploration of their needs. Health SA Gesondheid (Online) [online]. 2013, vol.18, n.1, pp.1-11. ISSN 2071-9736.

Die behandeling van chemiese afhanklikheid sluit die voorbereiding vir behandeling, formele behandeling en nasorg in. Laasgenoemde blyk 'n afgeskeepte area te wees in die lewering van dienste aan chemies-afhanklike adolessente, wat bydra tot die hoë terugvalpotensiaal wat op die behandeling volg. Hierdie kwalitatiewe studie was daarop gerig om die nasorgbehoeftes van chemies-afhanklike adolessente te verken, sowel as te beskryf. Die chemies-afhanklike adolessente wat by hierdie studie ingesluit was het vantevore beide binnepasiëntbehandeling en nasorg ontvang, maar ten spyte hiervan teruggeval; wat verdere binnepasiëntbehandeling genoodsaak het. Doelbewuste steekproefneming is geïmplementeer om 31 deelnemers tussen die ouderdomme van 14 en 20 jaar te werf. Die steekproefgrootte was deur middel van data versadiging bepaal. Data vir hierdie verkennende, beskrywende en kontektuele studie is versamel deur middel van narratiewe ondersoek. Tesch se raamwerk vir kwalitatiewe data-analise is toegepas en dataverifikasie is uitgevoer aan die hand van Guba se model. Die bevindings illustreer 'n behoefte om intrapersoonlike en interpersoonlike, asook omgewingsbehoeftes wat op behandeling volg, aan te spreek as deel van nasorg. Die resultate kan diensleweraars van fokusareas voorsien wat ingesluit kan word in nasorgdienste aan hierdie adolessente.

        · resumen en Inglés     · texto en Inglés     · Inglés ( pdf )