Resumo

OBERHOLZER, Annemarie E.; NEL, Elzabe; MYBURGH, Chris P.H.  e  POGGENPOEL, Marie. Exploring the needs and resources of children in a haematology-oncology unit. Health SA Gesondheid (Online) [online]. 2011, vol.16, n.1, pp.1-12. ISSN 2071-9736.

So dikwels word 'n kind se liggaam genees in die hospitaal, maar hierdie selfde kind gaan huis toe met emosionele wonde. Die behoeftes van kinders in 'n hematologie-onkologie eenheid is ondersoek asook die hulpbronne wat gemobiliseer kan word om hierdie behoeftes aan te spreek deur gebruik te maak van 'n literatuurstudie. Daarna is 'n veldstudie gedoen om hierdie hulpbronne te prioritiseer volgens die belangrikheid daarvan vir kinders in 'n hematologie-onkologie eenheid. Die manier waarop die kinders die hulpbronne geprioritiseer het, het 'n definitiewe tendens getoon. Die eerste drie hulpbronne wat deur die kinders gekies is, is al drie hulpbronne wat die eksterne sosiale omgewing van die kind behels. Die gevolgtrekking kan dus gemaak word dat die ondersteuning van ouers en ander persone wat belangrik is vir die kind, van uiterste belang is en in aanmerking geneem behoort te word in die fasilitering van ondersteuning van kinders in 'n hematologie-onkologie eenheid. Die gevolgtrekking wat gemaak kan word is dat hierdie kinders nie genoeg beheer ervaar in hulle situasie nie en daarom word voorgestel dat kinders in 'n hematologie-onkologie eenheid meer bemagtig behoort te word gegewe hulle omstandighede.

        · resumo em Inglês     · texto em Inglês     · Inglês ( pdf )