Resumen

DRENTH, Cornelia M.; HERBST, Alida G.  y  STRYDOM, Herman. A complicated grief intervention model. Health SA Gesondheid (Online) [online]. 2010, vol.15, n.1, pp.1-8. ISSN 2071-9736.

Gekompliseerde rou verwys na 'n verlengde staat van rou en impliseer 'n onvermoë by die klient om die dood van 'n geliefde in sy/haar lewe te integreer. Gekompliseerde rou word deur min maatskaplike werkers as bydraende faktor tot verlaagde maatskaplike funksionering geassesseer. Dit kan toegeskryf word aan beperkte kennis, ignorering van/of ontoereikende vaardighede by die maatskaplike werker in die identifisering en assessering van gekompliseerde rou. Die outeurs tabuleer sommige van die rouberadingsmodelle en -benaderings in hierdie artikel en bespreek die toepaslikheid daarvan op gekompliseerde rou. Spesifieke aandag word aan die Tweeledige Prosesmodel (Dual Process Model) (Stroebe & Schut 1999) verleen, asook aan die taakgesentreerde benadering ('n maatskaplike werkbenadering) in 'n poging om 'n model te ontwikkel vir gekompliseerde rou intervensie. Die artikel beveel aan dat die Gekompliseerde Rou Intervensie Model (GRIM) deur middel van die integrasie van die Tweeledige Prosesmodel en die taakgesentreerde maatskaplike werkbenadering aangebied word, terwyl intervensietegnieke van verskeie terapeutiese benaderings benut word.

Palabras clave : complicated grief; complicated grief intervention model (CGIM); Dual Process Model (DPM); grief; Task-Centred approach.

        · resumen en Inglés     · texto en Inglés     · Inglés ( pdf )