Resumen

RAMOSE, Mogobe  y  BALOYI, Lesiba. Challenging the teaching of research methodologies in pursuit of epistemic and social justice in South Africa. PINS [online]. 2020, n.60, pp.9-30. ISSN 2309-8708.

Bana ba thari ya Afrika Borwa ba tseyetswe mabu a bona. Kamogo ye ya naga yeso ebile ka marumo mola thuto ya bathupi ba naga ba go tswa mose wa mawatle e be e laetsa gabotse gore ntwa ebe ese ya swanela go fegwa. Bathupi ba rile go fenya ba hlalosa gore ba ithwesitse "tokelo ya phenyo". Go ya ka bona, tokelo ye e ba fa maatla a bofenyi. Maatla a ba netefatsa ka wona gore bafengwa ba tla phela ka mokgwa yo bafenyi ba ratang ka gona. Le ge ba fentswe, ba bangwe ba bana ba thari ya Afrika Borwa ba sa ganana le "tokelo ya phenyo" moka le ditlamorago kamoka tsa yona tseo di gananago le toka. Ba ema ka la gore; ke bona maganagofengwa gomme ba sa lwela gore mabu a boele matsogong a bona. Ba tswelapele ka la gore "tokelo ya phenyo" ga e kwane le phedisano magareng ga batho go ya ka mophelelo wa tsa setho. Taodiso ye ya rena e mabapi le sebakwa segolo se. Thuta phishegelo-bothlale ke wona motheo wa rena go fetleka sebakwa se. Re netefatsa gore, botho bo ema ka la gore lefase le swanetse go boela go beng'mabu gomme "tokelo ya phenyo" le ditlamorago ka moka tsa yona tseo di gananago le toka, di phumulwe ka moka. Se se bolela gore le thuto ya dinyakisiso lefapheng la tsa semoya didibeng tsa thuto ye e phagamego nageng ya Afrika Borwa e tshwanetse go lebelelwa sefsa gomme e fetlekiwe. Phetleko ya rena e ema ka la gore: thuto ya semoya e swanetse go ela tlhoko bongaka bja setso gore thuto ye e be yona motlhala wa tokologo ya thuto kamoka bokgobeng bja "tokelo ya phenyo".

Palabras clave : Justice; right of conquest"; epistemicide; psychology; research; science; tsa semoya; ubuntu.

        · texto en Inglés     · Inglés ( pdf )