Resumen

JORDAAN, GJC. Die bronteks vir die 2020-vertaling van die Nuwe Testament. Tydskr. geesteswet. [online]. 2020, vol.60, n.4-1, pp.945-958. ISSN 2224-7912.  http://dx.doi.org/10.17159/2224-7912/2020/v60n4-1a6.

Die Loodskomitee van die Bybelgenootskap het voor die aanvang van werk aan die Afrikaanse vertaling van 2020 besluit dat die vierde hersiene uitgawe van die Wereldbond van Bybelgenootskappe (WBG) se Greek New Testament (UBS⁴) van 1994 as bronteks vir die vertaling van die Nuwe Testament sal dien. Die Loodskomitee het ook 'n aantal riglyne en aanbevelings opgestel vir die praktiese implementering van die besluit. Die riglyne en aanbevelings handel hoofsaaklik oor die manier waarop die vertalers variante lesings wat in die tekskritiese apparaat van die UBS⁴-uitgawe aangedui word, moet hanteer. Die belangrikste hiervan is dat die vertalers A- en B-gegradeerde lesings behoort te volg, en slegs met goeie motivering van C- en D-gegradeerde lesings sal afwyk. Gedeeltes in die teks in die UBS⁴-uitgawe tussen blok- of dubbelhakies word in die vertaling behou, met gepaste voetnote daarby. Voetnote waarin die vertalers tekskritiese inligting voorsien, moet so geformuleer word dat dit nie vir lesers verwarrend en misleidend sal wees nie. In hierdie artikel word die eindproduk van die vertaalwerk, soos dit in die finale proefvertaling op die Bybelgenootskap se webwerf aangebied word, geweeg aan die Loodskomitee se besluite en aanbevelings. Die uiteindelike bevinding is dat die vertalers getrou aan die voorskrifte en aanbevelings gehou het en op 'n sinvolle manier daaraan uitvoering gegee het.

Palabras clave : 2020-vertaling; Afrikaanse Bybelvertaling; Bybelgenootskap van Suid-Afrika; bronteks van vertaling; Griekse bronteks vir Nuwe Testament; voorskrifte vir vertalers; aanbevelings vir vertalers; teksvariante; voetnote in Bybelvertaling; ontvanklikheid vir Bybellesers.

        · resumen en Inglés     · texto en Africano     · Africano ( pdf )