Resumo

VAN ZYL, Annemarie  e  ROSSOUW, Jannie. Die Afrikaanse Taalmuseum en -monument in die Paarl: 40 jaar later. Tydskr. geesteswet. [online]. 2016, vol.56, n.2-1, pp.295-313. ISSN 2224-7912.  http://dx.doi.org/10.17159/2224-7912/2016/v56n2-1a2.

In hierdie artikel word die rol en waarde van die Afrikaanse Taalmuseum en -monument in die Paarl geëvalueer in die lig van die veertigste herdenking van die inwyding van die Monument. Die inwyding het op 10 Oktober 1975 plaasgevind. Hoewel die Monument 'n bekende baken is, is dit nie tot dieselfde mate bekend dat daar ook 'n Afrikaanse Taalmuseum is wat saam met die Monument funksioneer nie. Die Museum word gehuisves in die destydse woonhuis van Gideon Malherbe, waar die Genootskap van Regte Afrikaners (GRA) op 14 Augustus 1875 gestig is. Inisiatiewe om n Afrikaanse Taalmonument in die Paarl op te rig, kan teruggevoer word tot so ver terug as September 1942, toe 'n komitee op die been gebring is om fondse daarvoor in te samel. Die Monument is uiteindelik meer as 30 jaar later ingewy. Die Monument het vanaf die eerste oomblik wat die idee posgevat het, gelei tot kritiek en tweespalt. Hierdie artikel ondersoek elke tipe kritiek wat destyds teen die Monument uitgespreek is, naamlik die wenslikheid, ligging, voorkoms, aard of funksie, simboliek en ideologie, en evalueer terugskouend die geldigheid daarvan al dan nie.

Palavras-chave : Afrikaans; Afrikaanse Taalmuseum en -monument; kritiek op die Afrikaanse Taalmonument; Paarl; taalmonumente; Taalmuseum.

        · resumo em Inglês     · texto em Africaner     · Africaner ( pdf )