SciELO - Scientific Electronic Library Online

 
vol.48 número1The political convictions of Hans van Rensburg (1898-1966): Continuity and change índice de autoresíndice de assuntospesquisa de artigos
Home Pagelista alfabética de periódicos  

Serviços Personalizados

Artigo

Indicadores

Links relacionados

  • Em processo de indexaçãoCitado por Google
  • Em processo de indexaçãoSimilares em Google

Compartilhar


Tydskrif vir Geesteswetenskappe

versão On-line ISSN 2224-7912
versão impressa ISSN 0041-4751

Resumo

MESSERSCHMIDT, Johanna J.E.. Tydskr. geesteswet. [online]. 2008, vol.48, n.1, pp.23-39. ISSN 2224-7912.

By die ontleding van gebruiksdata, blyk dat wanneer in Afrikaans as bywoord en voegwoord in 'n verskeidenheid konstruksies gebruik word. Die doel van hierdie artikel is om die gebruik van die voegwoord wanneer in bysinsinlywing te beskryf. Bysinsinlywing word as 'n soort onderskikking beskou wat van hipotaktiese verbinding verskil met betrekking tot die kohesie tussen die bysin en die hoofwerkwoord. Twee soorte bysinsinlywing staan sentraal in die beskrywing, naamlik inlywing van 'n wanneer-sin AS: sinsdeel en inlywing van 'n wanneer-sin BY: 'n sinsdeel. As sinsdeel vervul die wanneer-sin die funksie van onderwerp, voorwerp, kopulatiewe predikaat of komplement van 'n onoorganklike werkwoord. As nabepaling word 'n wanneer-sin by naamwoordstukke, voorsetselgroepe en infinitiewe ingelyf. Verwantskappe met betreklike voornaamwoorde asook met die bywoord waar, blyk baie duidelik uit die data. Verdere verwantskappe met die komplementeerders dat en of by inlywing as sinsdeel kom na vore. Verwantskappe met ander temporele en kousale voegwoorde word hoofsaaklik in hipotaktiese verbindings geopenbaar. Op semantiese vlak bly die basiese betekenis van "op die tyd dat" grootliks behoue. Die ingelyfde wanneer-sin dui tyd of omstandighede in terme van 'n gebeurtenis aan. In 'n opvolgartikel kom die gebruik van die voegwoord wanneer in hipotaktiese verbindings aan bod.

Palavras-chave : Voegwoord; wanneer; bysinsinlywing; hipotaktiese verbinding; komplement; adjunk; betreklike bysin; kognitiewe grammatika; korpus-gebaseerd; taalgebruiksdata.

        · resumo em Inglês     · texto em Africaner     · Africaner ( pdf )