Resumo

CHAMBWE, Tawanda Valentine. 'A half-baked and sickly commercially-minded native': African Entrepreneurship and Cooperative Societies in Southern Rhodesia, c1940s. Historia [online]. 2023, vol.68, n.1, pp.1-25. ISSN 2309-8392.  http://dx.doi.org/10.17159/2309-8392/2023/v68n1a1.

Hierdie artikel ondersoek koloniale retoriek, wit handelaars en die swart elite se standpunte oor koöperatiewe verenigings en swart entrepreneurskap tydens die Kommissie van Ondersoek na Inheemse Handel- en Produksie (Native Trade and Production Commission of Inquiry) van 1944, wat bekend staan as die Godlonton-kommissie. Dit voer aan dat sommige amptenare van die Departement van Naturellesake (NAD - Native Affairs Department) swart koöperatiewe verenigings gesien het as 'n manier om Afrika-gewasse te bemark, hoewel ander skepties was oor Afrikane se entrepreneursvermoë. Die artikel voer aan dat wit handelaars, verteenwoordig deur magtige sakeverenigings, die koloniale retoriek oor swart entrepreneurskap toegeëien het om hul belange in die swart reservate te verdedig. Die swart elite se getuienis aan die Godlonton-kommissie was uiteenlopend. Terwyl sommiges die idee van swart koöperasies ondersteun het, het ander dit verwerp en verkies dat die staat swart handelaars teenoor wit handelaars in die swart reservate ondersteun. Kumulatief het die sentimente wat by die Godlonton-kommissie gelug is, deels bygedra tot die koloniale gebrek aan belangstelling in koöperatiewe verenigings en swart entrepreneurskap in die tydperk ná die Tweede Wêreldoorlog. Die artikel dra by tot ons historiese begrip van swart entrepreneurskap tydens die 1940's, koöperatiewe verenigings en die Godlonton-kommissie. Die studie steun op die bewyse wat aan die Godlonton-kommissie voorgelê is, sy finale verslag, en ander argivale dokumente.

Palavras-chave : Koöperatiewe verenigings; entrepreneurskap; bemarking; kapitaal; swart reservate; Suid-Rhodesië.

        · resumo em Inglês     · texto em Inglês     · Inglês ( pdf )