Resumo

ROOS, Hilde. Eoan - Our Story: Treading new methodological paths in music historiography. Historia [online]. 2015, vol.60, n.2, pp.185-200. ISSN 2309-8392.  http://dx.doi.org/10.17159/2309-8392/2015/V60N2A9.

Hierdie artikel bespreek die gebruik van vernuwendes metodes vir die skryf van die geskiedenis van Westerse klassieke musiek in Suid-Afrika soos dit toegepas is in die publikasie Eoan-OurStory [2013). Mondelingegeskiedenis en gemeenskapsinteraksie is die primêre metodes wat gebruik is en ek voer aan dat dit moontlik geword het as gevolg van onlangse ontwikkelinge in die dissipline van musiekwetenskap. Die artikel begin met 'n kort uiteensetting van hierdie veranderinge van die afgelope paar dekades en belig die drieledige spanningsveld wat dit onderlê, naamlik die outonomie van musiek, musiek in sy kulturele en sosiale kontekste en die verlies van die idee van "die objektiewe feit" wat die posisie van die skrywer/verteller en die gebruik van taal op die voorgrond plaas. Eoan - Our Story vertel die verhaal van 'n opera, drama en ballet geselskap wat tydens die apartheidsjare in Suid-Afrika as 'n sogenaamde kleurling organisasie gefunksioneer het. Omdat hierdie groep (voor en na 1994) deur heersende politieke en artistieke diskoerse benadeel is, is 'n gedemokratiseerde metode gesoek wat voorheen stilgemaakte stemme ruimte gee om gehoor te word. Die boek is om daardie rede saamgestel deur 'n komitee wat uit vorige lede van Eoan en akademici bestaan het. In 'n omgewing waar die outoriteit van die akademikus plek moes maak vir ander prioriteite was die uitdaginge van die skryf van 'n boek deur 'n kommitee soos hierdie veelvoudig. Ek voer aan dat die die kreatiewe en innoverende resultate van hierdie proses positief afweeg teen die uitdaginge.

Palavras-chave : Eoan Group; opera; musiekhistoriografie; New Musicology; mondelingegeskiedenis; gemeenskapsgeskiedenis; gemeenskapsinteraksie; Hobsbawm.

        · resumo em Inglês     · texto em Inglês     · Inglês ( pdf )