SciELO - Scientific Electronic Library Online

 
vol.57 issue1Frances Baard's and Helen Joseph's struggle against apartheid, 1950-1963: A comparative analysisThe establishment of the Skanskop Island irrigation settlement as a milestone in poverty relief through personal initiative author indexsubject indexarticles search
Home Pagealphabetic serial listing  

Services on Demand

Article

Indicators

    Related links

    • On index processCited by Google
    • On index processSimilars in Google

    Bookmark

    Historia

    Print version ISSN 0018-229X

    Abstract

    TEMPELHOFF, Johann W.N.. From Makhaza to Rammulotsi: Reflections on South Africa's "toilet election" of 2011. Historia [online]. 2012, vol.57, n.1, pp. 82-104. ISSN 0018-229X.

    In die tydperk wat die plaaslike verkiesing van 2011 in Suid-Afrika voorafgegaan het, is die benaming van die "toiletverkiesing" aan die gebeurtenis gekoppel. Die boodskap, wat 'n sensitiewe snaar in die nasionale nuusmedia aangeraak het, was die feit dat daar plaaslike owerhede was wat nie in ooreenstemming met aanvaarde praktyke hul verantwoordelikhede ten opsigte van diens lewering nagekom het nie. Dienslewering opsigself was sedert die vorige plaaslike verkiesing van 2006 'n kritieke gesprekspunt. Vier jaar later, terwyl politici hulle vir die volgende verkiesing voorberei het, het Makhaza in Kaapstad en Rammulotsi, naby Viljoenskroon in die Vrystaatprovinsie, in die nuus opslae gemaak. Daar was duidelike openbare ontevredenheid met die onmenswaardige wyse waarop plaaslike inwoners behandel is deurdat hulle spoeltoilette sonder behoorlike afskortings moes gebruik. Nuus omtrent die toilette het van tyd tot tyd vir komiese verligting gesorg in 'n verkiesingstryd wat deur hoë vlakke van openbare spanning gekenmerk is as gevolg van die intense veldtogte van die regerende African National Congress (ANC) and die Demokratiese Alliansie (DA). In die artikel word in die besonder ook aandag gegee aan die wyse waarop die verkiesing beplanning rondom water en sanitasiedienslewering geraak het in Moqhaka Plaaslike Munisipaliteit, waarin Rammulotsi geleë is.

    Keywords : "toiletverkiesing 2011"; dienslewering; water- en sanitasiesektor; plaaslike owerhede; plaaslikeverkiesings; Makhaza (Kaapstad); Rammulotsi (Viljoenskroon); burgerlikesamelewing; African National Congress (ANC); Demokratiese Alliansie (DA).

            · abstract in English     · text in English     · pdf in English