Resumo

NAIDU, Maheshvari. Die Skep van 'n Afrika toeristebelewenis by die Wieg van die Mensdom Wêreld Erfenisterrein. Historia [online]. 2008, vol.53, n.2, pp.182-207. ISSN 2309-8392.

Hierdie artikel handel oor die voorbeeld van paleo-erfenis toerisme wat by die Sterkfonteingrotte in 'n geografiese gebied bekend as die Wieg van die Mensdom Wêreld Erfenisterrein, of kortweg die Wieg, aangetref word. Die artikel ondersoek hoe 'n spesifieke "Afrika" toeristebelewenis gekonstrueer word deur die gebruik van n argitektoniese woordeskat en die relaas gebou om die Sterkfonteingrotte, wat deur die vaardige gebruik van n bepaalde teorie oor die oorsprong van die mens, die besoeker lei om te identifiseer met n trajek van n gedeelde voorgeskiedenis en gedeelde menslikheid. Skynbaar word dit gekonstrueer as poging om die besoeker se beeld van hom- of haarself te herdefinieer volgens n gemeenskaplike Afrikageskiedenis. Hierdie sin van n gedeelde geskiedenis word geskep deur die argitektoniese ontwerp van die besoekersentrum, die kragtige narratief opgesluit in die logo van die sentrum, en die proses waardeur die uiters belangrike fossiele wat hier aangetref is, toegeëien word. Die gekonstrueerde toeristebelewenis word verder aangevul deur n groter opkomende diskoers oor die herdefinisie van die identiteit van die Afrikaan.

Palavras-chave : African; architecture; commoditisation; fossils; heritage; identity; logo; narrative; palaeo-anthropology; palaeo-tourism; representation; tourist experience; tumulus.

        · resumo em Inglês     · texto em Inglês     · Inglês ( pdf )